1 Dekat 4 - Bibilia Buk na Ŋun nagon koti luŋu a

Nyakwariat ti Yuda

¹ A ŋwajik ti Yuda gwe a ko Perese, ko Keseron, ko Karmi, ko Kur, ko Sobala.

² A Reaya ŋuro lo Sobala yuŋuŋdye Yakat, a Yakat yuŋuŋdye Akumia ko Lada. Kine a kötumitön ti ŋutu ti Sora.

³ A kilo gwe a ŋwajik ti Abi-etam, adi ko Yejerele, ko Yisema, ko Yidebasa; ko kiaser nase karin kanyit a Aseleleponi,

⁴ A Penuele yuŋuŋdye Gedor ko Ejer monye Kusa. A kilo gwe a ŋwajik ti Kur kayu lo Eparata, monye Beteleme.

⁵ A Asur monye Tekowa gwe ko wate murek, nagon a ko Kela ko Nara;

⁶ a Nara yuŋwekiŋdye Asur ko Akujam, ko Keper, ko Temeni, ko Asatari.

⁷ A ŋwajik ti Kela gwe a ko Seret, ko Yisar, ko Etenan.

⁸ A Kosa yuŋuŋdye ko Anuba, ko Sobeba, ko kötumitön ti Akarakele ŋuro lo Arum.

⁹ A Yabesa bulani bula lwölwöŋ luŋasirik kanyit; a ŋote gwije lepeŋ a Yabesa adi, Kogwon nan a yupun nye ko miesi.

¹⁰ A Yabesa momo ’yi Ŋun lo Yisaraele adi, Boŋö ti do ’borone nan, ko paki nan pirit nagon a nagalaŋ, ko ti könin ilot gwe koyö i gaju na nan i kulya narok, an nene ŋo tomijo nan. A ŋun uŋgö ŋutu kin lepeŋ ŋo na pi nye kune.

¹¹ A Keluba luŋaser lo Suka yuŋuŋdye Mekir, a Mekir yuŋuŋdye Eseton.

¹² A Eseton yuŋuŋdye Bete-rapa, ko Paseak, ko Tekina logon a monye Ira-nakasa. Kilo a ŋutu ti Reka.

¹³ A ŋwajik ti Kenaja gwe a ko Oteniele ko Seraya; a ŋwajik ti Oteniele gwe a ko Katat ko Meonotai.

¹⁴ A Meonotai yuŋuŋdye Opera; a Seraya yuŋuŋdye Yöaba logon a monye Ge-karasim, (a luŋuni sona kogwon ŋina a kötumit na bodwat).

¹⁵ A ŋwajik ti Kaleba ŋuro lo Yepune gwe a ko Iru, ko Ela, ko Nama; a ŋwajik ti Ela gwe a ko Kenaja.

¹⁶ A ŋwajik ti Yeyalelele gwe a ko Jipi, ko Jipa, ko Tiria, ko Asarele.

¹⁷ A ŋwajik ti Ejira gwe a ko Yeter, ko Merede, ko Eper, ko Yalon. Kilo a ŋwajik ti Bitia tore na Paro, nagon Merede a yem na; a nye piŋge pigga, a yuŋuŋdye Miriama, ko Samai, ko Yisebak monye Esetemoa.

¹⁸ A narakwan nanyit nagon a Yudayakityo na yuŋuŋdye ko Yerede logon a monye Gedor, ko Eber monye Soko, ko Yekutiele monye Tanoak.

¹⁹ A ŋwajik ti nakwan na Odiya nagon a kiaser Nakam na gwe a monye Keila lo Gar, ko a monye Esetemoa lo Maka.

²⁰ A ŋwajik ti Simona gwe a ko Amunon, ko Rina, ko Bene-kanan, ko Tilon. A ŋwajik ti Yisi gwe a ko Joket ko Bene-joket.

²¹ A ŋwajik ti Sela ŋuro lo Yuda gwe a ko Er monye Leka, ko Lada monye Maresa, se ko ’dupesi ti kötumit na kagweyak ti boŋgo na waratat naparere lo si ’da Bet-asebea;

²² ko Yokim, ko ŋutu ti Kojeba, ko Yöasa, ko Sarap logon köju a kasaranit lo Moaba a kirut yitöni Lekeme. (Kine a dekat ti ’beron.)

²³ A kilo ŋutu gwe a kagweyak ti sapya a si ’dani Netaim ko Gedera; a lepeŋat gwolore nyu ko mor i koŋdya na kita nanyit.

Nyakwariat ti Simeona

²⁴ A ŋwajik ti Simeona gwe a ko Nemuele, ko Yamin, ko Yariba, ko Jerak, ko Saula;

²⁵ A Salum gwe a ŋuro lonyit, a Mibesam gwe a ŋuro lo Salum, a Misema gwe a ŋuro lo Mibesam.

²⁶ A ŋwajik ti Misema gwe a ko Kamuele ŋuro lonyit, ko Takur ŋuro lo Kamuele, ko Simei ŋuro lo Takur.

²⁷ A Simei gwe ko ŋwajik lyan puök wot buker ko ŋwajik wate buker; ama lupasirik kanyit ’bak ŋwajik jore, a ŋutu liŋ ti kötumit nase tine ŋdi gwoso ŋutu ti Yuda.

²⁸ A se si ’dani Ber-seba, ko Molada, ko Kasar-suala,

²⁹ ko Bila, ko Esem, ko Tolada,

³⁰ ko Betuele, ko Kormak, ko Sikelaga,

³¹ ko Bete-markabot, ko Kasar-susim, ko Bete-biri, ko Sarayim. A kine gwe a köjinö kase tojo ko diŋit na tumatyan na Dawidi.

³² A turön kase gwe a ko Etam, ko Ayin, ko Rimon, ko Token, ko Asan, sekine köjinö kase mukanat,

³³ se ko turön kase lo ’di ’dik liŋ logon gwon nyona ko kinu köjinö teŋ ko Bala. A kine gwe a piritön kase si ’daesi, a se gwe ko denesi ko koresi ti nyakwariat kase.

³⁴ A ko Mesobaba, ko Yamelek, ko Yosa ŋuro lo Amajia,

³⁵ ko Yoele, ko Yeu ŋuro lo Yosibia, ŋuro lo Seraya, ŋuro lo Asiyele,

³⁶ ko Elionai, ko Yakoba, ko Yesokaya, ko Asaya, ko Adiele, ko Yesimiele, ko Benaya,

³⁷ ko Jija ŋuro lo Sipi, ŋuro lo Alon, ŋuro lo Yedaya, ŋuro lo Simeri, ŋuro lo Semaya—

³⁸ kilo ŋutu liŋ lo ’dinya ko karin kilo se lo gwe a temejik ti ’dupesi kase, a kötumitön ti merenyejin kase uŋgö ŋdi parik.

³⁹ a se jölöni jölö teŋ ko lupet na Gedor, i swöt lo ’yure lo ŋinu pirit na ’dir, i ga ’yu na pirit nyeŋ na toro ’bo,

⁴⁰ a se ko ryeji yukit nagon ko döru a duma ko a na ’but, a nu kak gwe a nagalaŋ, a gwe taliŋ adi lii, kogwon ŋutu ti kokwe logon a si ’da nyu kulu a nyakwariat ti Ama.

⁴¹ A i perok ti Kijikia mor lo Yuda, a kilo ŋutu logon karin kase a ’dinya kilo ko ’dure yu, a köŋi kemialan kase se ko ŋutu ti Meun logon a rye yu. A se tukaŋi se tojo ko lo lor, a ruddye pirit nase, kogwon ŋinu yöbu a yukit na toro ’bo kase.

⁴² a kulye ŋutu kase yeŋgi tojo ko mere Seir; kilo gwon a ŋutu miajin mukanat ti nyakwariat ti Simeona, a kanyömök kase gwe a ko Pelatia, ko Nearia, ko Repaya, ko Ujiele, kilo a ŋwajik ti Yisi;

⁴³ a se tukaŋi pitönö ti ŋutu ti Amalek lo wökön kulu, a se iŋge si ’da yu tojo ko lo lor.