Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Esekelo 15 - Baibo Busansulushi Bwa Libuku Ili


Cikoshanyo ca cisamu ca munyansa

1 Mpeeke Mwaami Lesa wakaŋambila ayi,

2 “Webo omuntu, ino musampi wa cisamu ca munyansa inga weenda buyani kubota pashisamu shoonse sha muluundu?

3 Sa inga woosebensesha kupanga cintu cili coonse? Sa inga wapangishako nabibo mpoopo yakwaanjikawo shintu?

4 Ngubotubo kunkuni, sombi na wapya kweela koonse kobilo akuba mashimbi pakati, sa inga wasebenseshekwa kuncito imwi?

5 Na tewakalinga kucite ncito koocili wakabumbulu, ino inga waba buyani anciito na wapya mumulilo akuba mashimbi?

6 “Paceebo ceeco, nebo neMwaami Lesa Shinkusu shoonse ndaamba ayi, ‘Bweenka mbuli mbondakapa musampi wa munyansa pashisamu shoonse sha muluundu kuba nkuni mbweeke ubo mbweshi nkacite abantu bekala muJelusalemu.

7 Ndaakubapa mulandu. Nabi bakapuluka kuswa kumulilo womwi, mulilo umwi ulaakubatenta. Ndaakumana kubapa mulandu, ndyeshi mukeshibe ayi nebo ndi Mwaami Lesa.

8 Ndaakulengesha cishi cabo kuba luyanga ceebo tabakwe kushomeka kuli ndime. Nebo neMwaami Lesa ndaamba.’ ”

Lenje Bible with Deuterocanon © Bible Society of Zambia, 2003.

Bible Society of Zambia
ကြှနျုပျတို့နောကျလိုကျပါ:



ကြော်ငြာတွေ