1 Makani 9 - Baibo Busansulushi Bwa Libuku Ili

Bantu bakaboola kuswa mubusha

¹ Bene Isilaeli boonse bakalinga kulembetwe kweelana abamumaandaabo mulibuku lya bamaami ba bene Isilaeli. Bene Juda bakalinga batolwa busha kuBabiloni ceebo ca kutashomeka kwabo.

² Bakataanguna kuboolela kushipansha sha shishi shabo mumandabalaabo anene, mbene Isilaeli bantubo, bapailishi, bene Lefi alimwi abasebenshi ba muŊanda yakwe Lesa.

³ Bene Juda, bene Benjameni, bene Efuleemu alimwi abene Manase bakalinga kwikala muJelusalemu mbaaba:

⁴ Utayi mwanaakwe Amiyudi, Amiyudi mwanaakwe Omuli, Omuli mwanaakwe Imuli, Imuli mwanaakwe Bani. Bani wakalinga wamulunyungu lwakwe Pelesi uyo wakalinga mwanaakwe Juda.

⁵ Pabamulunyungu lwakwe Shela nguAsaya wakwiiya uyo wakalinga mutanjilili wa bamuŋanda yakwe.

⁶ Pabamulunyungu lwakwe Sela nguJewelu. Bene Juda boonse bakalinga 690.

⁷ Bamulunyungu lwakwe Benjameni bakalinga nguSalu mwanaakwe Meshulamu mwishikulu wakwe Odafiya uyo wakalinga mwanaakwe Asenuwa,

⁸ Ibeniya mwanaakwe Jeloamu, Ela mwanaakwe Usi, Usi mwanaakwe Mikili, pantu pomwi aMeshula mwanaakwe Shefatiya, Shefatiya mwanaakwe Luwelo, Luwelo mwanaakwe Ibinija.

⁹ Bene Benjameni boonse kweelana amakani akalinga kusansulula bamulunyungu lwakwe bakalinga 956. Bantu aba boonse bakalinga bamatanjilili ba bamumaandaabo.

Bapailishi bakalinga kwikala muJelusalemu

¹⁰ Bapailishi bakalinga kwikala muJelusalemu mbaaba: Jedaya, Jeoiyalibu alimwi aJakini,

¹¹ Asaliya mwanaakwe Ilikiya, Ilikiya mwanaakwe Meshulamu, Meshulamu mwanaakwe Sadoki, Sadoki mwanaakwe Melaiyoti, Melaiyoti mwanaakwe Ayitubu wacinenenene wa kuŊanda yakwe Lesa.

¹² Adaya mwanaakwe Jeloamu, Jeloamu mwanaakwe Pasha, Pasha mwanaakwe Malukija alimwi aMasayi mwanaakwe Adiyelo, Adiyelo mwanaakwe Jasela, Jasela mwanaakwe Meshulamu, Meshulamu mwanaakwe Meshilemiti, Meshilemiti mwanaakwe Ima.

¹³ Boonse pantu pomwi bakalinga 1,760 alimwi mbobakalinga bamatanjilili ba bamumaandaabo. Bakalinga kucishi kusebensa milimo yoonse ya muŊanda yakwe Lesa.

Bene Lefi bakalinga kwikala muJelusalemu

¹⁴ Bene Lefi bakalinga kwikala muJelusalemu mbaaba: Shemaya mwanaakwe Ashubu mwishikulu wakwe Asilikamu uyo wakalinga mwanaakwe Ashabiya mwine Melali,

¹⁵ Bakibaka, Eleshi, Galali alimwi aMataniya mwanaakwe Mika, Mika mwanaakwe Sikili, Sikili mwanaakwe Asafi,

¹⁶ Obadiya mwanaakwe Shemaya, Shemaya mwanaakwe Galali, Galali mwanaakwe Jedutuni, Jedutuni mwanaakwe Belekiya, Belekiya mwanaakwe Asa, Asa mwanaakwe Elikana uyo wakalinga kwikala mumishi ya bene Netofa.

Beshikulindilila Ŋanda yakwe Lesa bakalinga kwikala muJelusalemu

¹⁷ Beshikulindilila Ŋanda yakwe Lesa bakalinga kwikala muJelusalemu mbaaba: Shalumu, Akubu, Talimoni alimwi aAimani kubikaawo abamakwababo. Shalumu ngowakalinga mutanjilili wabo pancito.

¹⁸ Kushikila ciindi ico bakalinga kulindilila kuMwinjililo wa Mwaami kwicwe. Kalekale bakalinga kulindilila kuminjililo ya mumisumba ya bene Lefi.

¹⁹ Shalumu mwanaakwe Kole mwishikulu wakwe Ebiyasafu pantu pomwi abene Kolanyina bakalinga kulindilila mwinjililo wa Ŋanda yakwe Lesa bweenka bamashali babo bakulukulu mbobakalinga kulindilila mwinjililo wa Tente ya Cipangano.

²⁰ Kalekale Fineyasi mwanaakwe Eliyasa ngowakalinga mutanjilili wa beshikulindilila minjililo alimwi Mwaami Lesa wakalinga anguwe.

²¹ Alakwe Sekaliya mwanaakwe Meshelemiya wakalinga shikulindilila mwinjililo wa kuTente ya Cipangano.

²² Paboonse aba, 212 bakasalwa kuba beshikulindilila kuminjililo amilyango. Bakalinga kulembwa womwi awomwi amushi wakwe. Mwaami Defedi alimwi aSamwelo mulaluki wakabika bamashali babo bakulukulu mumisena ya ncito iyo iyandika kushomeka.

²³ Balo abamulunyungu lwabo bakatolelela kulindilila minjililo ya muŊanda yakwe Lesa.

²⁴ Beshikulindilila minjililo bakalinga kumbasu shone shoonse, nkokwaamba ayi kwicwe, kumbo, kumalenge akumatwa.

²⁵ Beshikulindilila aba bakalinga kucafwikwa abeshikamukowa babo bakalinga kwikala mumishi. Bakalinga kupaana malishi a nshiku shosanwe ashobilo paciindi comwi acomwi na beetwa.

²⁶ Bamatanjilili ba beshikulindilila bone abo bakalinga bene Lefi bakapekwa ncito yakulama shipinda sha buboni muŊanda yakwe Lesa.

²⁷ Bakalinga kwikala kufwaafwi aŊanda yakwe Lesa mukwiinga yakalinga ncito yabo yakwiilama akucalula minjililo lyoonse macuunsacuunsa.

Bene Lefi bamwi

²⁸ Bene Lefi bamwi bakalinga kulama shakusebensesha muŊanda yakwe Lesa pakulambila. Bakalinga kushibala pakushikusha apakushiboosha.

²⁹ Bamwi bakalinga kulama shintu shisalalite sha muŊanda yakwe Lesa pantu pomwi afulaulo, waini, mafuta a olifi, tununkila kabotu pakutenta alimwi atununkila kabotu mubuyani.

³⁰ Sombi ncito yakusenkanya tununkila kabotu mubuyani yakalinga ya bapailishi.

³¹ Mwine Lefi umwi wakalinga kwiitwa ayi Matitiya mwanaakwe Shalumu wakwiiya, wa mucipani cakwe Kola, wakalinga kucite ncito yakupanga shimaande shipampamene shakalinga kupekwa kuli Lesa.

³² Bantu bamwi bamucipani cakwe Koati bakalinga kupanga shimaande shisalalite sha bushiku bomwi abomwi bwakookesha bwa Cibelu akushibika patebulu.

³³ Bamwi pakati ka bene Lefi bakalinga mbeshikwiimba muŊanda yakwe Lesa. Bamatanjilili ba bamumaandaabo bakalinga kwikala mumaanda a kuŊanda yakwe Lesa. Aba bantu tebakalinga kupekwa milimo imwi mukwiinga bakalinga kwiitikwa paciindi cili coonse mashiku nabi malumwi.

³⁴ Aba boonse, kweelana amakani akalinga kusansulula bamulunyungu lwabo, bakalinga bamatanjilili ba bamumaanda a bene Lefi alimwi bakalinga kwikala muJelusalemu.

Bamashali bakulukulu abamulunyungu lwa mwaami Saulo

³⁵ Jeiyelo wakayaka ndabala inene ya Gibyoni akwikalaamo. Mukaakwe wakalinga nguMaaka.

³⁶ Mwanaakwe wakwiiya nguAbidoni. Bana bakwe bamwi nguSuli, Kishi, Baali, Neli, Nadabu,

³⁷ Gedo, Ayiyo, Sekaliya alimwi aMikoloti

³⁸ uyo wakashala Shimeya. Boonse aba bakalinga kwikala muJelusalemu kufwaafwi abamakwababo bamwi.

³⁹ Neli wakashala Kishi, Kishi wakashala Saulo. Saulo wakashala baana bone, nkokwaamba ayi Jonasani, Malukishuwa, Abinadabu alimwi aEshibaali.

⁴⁰ Jonasani wakashala Melibu Baali, Melibu Baali wakashala Mika.

⁴¹ Mika wakashala baana basankwa bone, nkokwaamba ayi Pitoni, Meleki, Taleya alimwi aAasi.

⁴² Aasi wakashala Jala, Jala wakashala baana basankwa botatwe, nkokwaamba ayi Alemeti, Asimafeti alimwi aSimuli. Simuli wakashala Mosa,

⁴³ Mosa wakashala Bineya, Bineya wakashala Lafaya, Lafaya wakashala Eleyasa, Eleyasa wakashala Aseli.

⁴⁴ Kuswawaawo Aseli wakashala baana basankwa bosanwe awomwi, nkokwaamba ayi Asilikamu, Bokelu, Ishimaeli, Sheyaliya, Obadiya alimwi aAnani.