Zeremi 45 - NYANMIƐN NDƐ'N 1998

Barik i jasin liɛ b'ɔ nyɛnnin i'n yɛ

¹ Kɛ Zozias i wa Zozakim dili Zida famiɛn'n i afuɛ nnan'n su yɛ Nyanmiɛn nuan ijɔfuɛ Zeremi kannin ndɛ kleli Neriza i wa Barik yɛ i kusu klɛli-ɔ. I blɛ sɔ nun'n, Zeremi seli Barik bɔbɔ kɛ:

² «Anannganman, Izraɛl Nyanmiɛn'n waan n `se wɔ kɛ yoo:

³ ‹A waan: M'an wun min nyrun ngboko! Laa min waan n wo afɛ nun, kannzu ato yɛ m buali-ɔ, sanngɛ Anannganman ɔ'a uka su siɛn'n. M'an kplin lele m'an fɛ ngbɛn, nán wunmiɛn bɔ kan sa yɛ n ko nyɛn i n ko lo-ɔ.› »

⁴ Anannganman'n waan n se wɔ kɛ yoo: «Like nga n kplannin'n, n wo i bubulɛ. Like nga n tali'n, n wo i bo tulɛ. Ɔ lɛ-man mɛn'n i lika kun b'ɔ ´kalɛ-ɔ.

⁵ I sɔ'n kpɛkuun pɔɔ yɛ a ´kunndɛ kɛ a ´tran nun-ɔn. Nán kunndɛ pɔɔ nun tranlɛ. Nyrɛnnɛn nga n ´fa yi i mɛn'n su'n, like kun ng'ɔ su nyɛn-mɛn i'n, ɔ nun-man lɛ. Ɔ liɛ nga a ´nyɛn i'n yɛlɛ ɔ nguan'n. Kan kwlaa nga ɔ waan a kɔ'n, ɔ́ wun fouun!»