Jue Mun 93 - NYANMIƐN NDƐ'N 1998

Anannganman i famiɛn b'ɔ ti'n

¹ Anannganman ti famiɛn, i anyrunnyan dan'n kɛtɛ i wun kɛ kondro sa, i fanngan'n ɔ ci i bo kɛ cisu sa. I sɔ'n ti asiɛ'n ti cinnjinnjin, be su i-ɔ ɔ su-man.

² Anannganman, nán ndɛ sa yɛ ɔ famiɛn bia'n ti takawa-a. A o lɛ titi.

³ Jenvie'n bo, ɔ bo kɛ ɔ'a fa ya sa. Ɔ ´bo sɔ tititi.

⁴ Anannganman, ɔ nɛn'n fu tra nzue dandan'm be bolɛ bɔ be bo'n su, ɔ fu tra be nganniɛn bɔ be yo'n su. A o nglo lɔ, wɔ yɛ a kwla-a.

⁵ Ɔ mmla'm be ti nanwlɛ. Ee Anannganman, ɔ nin i fata kɛ ɔ́ sua'n ɔ yo saun lele mɛn'n i awieliɛ.