Jue Mun 60 - NYANMIƐN NDƐ'N 1998

Nyanmiɛn i sran'm bɔ be kwlali be'n be kpan flɛlɛ bɔ be kpan flɛ i'n i su tɛlɛ

1-2 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo jru. Be fa kle like. Ɔ kan alɛ bɔ David nin i sran'm be nin Sirifuɛ nga be fin Mezopotami nin be nga be fin Sɔba'n be kunnin'n i ndɛ. Kɛ be ɔli bɔ be bali'n, Zoab nin i sran'm be nin Edɔmfuɛ'm be ko kunnin. Zoab nin i sran mun be kwlali Edɔmfuɛ sɔ'm be sonja akpi-akpi-blu-nin-nnyɔn (12.000) Njin Kongo'n nun lɔ.

^1-2 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo jru. Be fa kle like. Ɔ kan alɛ bɔ David nin i sran'm be nin Sirifuɛ nga be fin Mezopotami nin be nga be fin Sɔba'n be kunnin'n i ndɛ. Kɛ be ɔli bɔ be bali'n, Zoab nin i sran'm be nin Edɔmfuɛ'm be ko kunnin. Zoab nin i sran mun be kwlali Edɔmfuɛ sɔ'm be sonja akpi-akpi-blu-nin-nnyɔn (12.000) Njin Kongo'n nun lɔ. I waan:

³ Ee Nyanmiɛn, a yili e blo, a sanngannin e nun, a fali é wun ya sɔ, sanngɛ fa e sie e osu'n nun.

⁴ Wɔ man asiɛ'n ɔ kejeli, yɛ ɔ tɛtɛli. Tannintannin i kunman mun, afin ɔ ti-man kekleke kun.

⁵ Wɔ man sa kekleke tɔli ɔ sran'm bé su. Wɔ man y'a yo kɛ y'a nɔn e nzan nan y'a bo sa.

⁶ A kle be nga be nyin yi wɔ'n be nzɔliɛ kɛ sɛ be wun i'n, be wanndi ta tofuɛ'm be nyrun.

⁷ E bɔ e ti ɔ janvuɛ mun'n, tɛ e su, yo man e nyan é ti. Yi ɔ fanngan'n i nglo nan de ye.

⁸ Nyanmiɛn o i sua b'ɔ ti saun'n nun lɔ i waan: «Min yɛ n kwla-a. N ´cɛ Sisɛm klɔ'n nun, n ´sunnzun Sikɔt b'ɔ ti kongo lika'n.

⁹ Galaad lika'n ti min liɛ, Manase lika'n ti min liɛ wie. Efraim lika'n ti kɛ min kle sa, yɛ Zida lika'n ti kɛ min kpɔnman sa, yɛ n fa sie sran mun-ɔn.»

¹⁰ Moab lika'n ti kɛ min kpongbo sa yɛ n wunnzin nun-ɔn. M'an fa min sa m'an sie i Edɔm lika'n su, ɔ ti min liɛ. Filistifuɛ mun, amun `bo sro be manman min.

¹¹ ?Wan cɛ yɛ ɔ ´fa min kɔ be klɔ kekle'n su lɔ-ɔ? ?Edɔmfuɛ'm be klɔ'n, wan cɛ yɛ man n ´ju lɔ-ɔ?

¹² ?Ee Nyanmiɛn, wɔ bɔ a yili e blo bɔ kɛ e sonja'm be ´kɔ alɛ kunlɛ-ɔ, a nun-man bé sin kun'n, nan wɔ yɛ man n ´ju lɔ-ɔ?

¹³ Uka e man e kwla e kpɔfuɛ'n, afin sran'm be ukalɛ liɛ'n ti ngbɛn.

¹⁴ Nyanmiɛn man e ´kwla, afin i yɛ ɔ tia e kpɔfuɛ'm be su-ɔ.