Jue Mun 54 - NYANMIƐN NDƐ'N 1998

Sran bɔ b'a jaso i wun'n i Nyanmiɛn sun flɛlɛ

1-2 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n i wie. Kɛ Ziffuɛ'm be wa seli Sail kɛ: «David fia e afiɛn wa'n,» i sin yɛ ɔ kpɛli jue sɔ nin-ɔn.

^1-2 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n i wie. Kɛ Ziffuɛ'm be wa seli Sail kɛ: «David fia e afiɛn wa'n,» i sin yɛ ɔ kpɛli jue sɔ nin-ɔn. I waan:

³ Ee Nyanmiɛn, de min nan be `si kɛ wɔ yɛ a ti Nyanmiɛn nin-ɔn. Yi ɔ fanngan'n i nglo nan di min jɔlɛ mun klanman man min.

⁴ Ee Nyanmiɛn, tie srɛlɛ bɔ n srɛ wɔ'n, fa ɔ su'n sie mín nuan bo.

⁵ Aofuɛ wie'm b'a jaso mín wun, sran wlɛfuɛ wie'm be waan be ´kun min. Ɔ ndɛ'n ti-man be ndɛ.

⁶ Sanngɛ Nyanmiɛn ´uka min, ɔ ´suan min bo.

⁷ Man sa ng'ɔ ´ba'n, ɔ kaci tɔ min kpɔfuɛ'm be su. Nunnun be man n wun kɛ a ti nanwlɛfuɛ.

⁸ N ´tu n klun n ´yi sraka m man wɔ. Anannganman, m ´bo n flɛ wɔ, afin a ti kpa.

⁹ Nyrɛnnɛn ng'ɔ tɔli min su'n, a deli min i kwlaa nun. N wunnin min kpɔfuɛ'm be nyin b'ɔ guali ase alɛ'n nun'n.