Jue Mun 53 - NYANMIƐN NDƐ'N 1998

Be nga be fa bé wla gua Nyanmiɛn i su mɛn nga ɔ'a saci yɛ'n i nun'n

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n be bo blo.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n be bo blo. I waan:

² Sinnglinfuɛ'n ɔ se i wun kɛ: «Nyanmiɛn nun-man lɛ.» B'a saci, like ng'ɔ ti-mɛn i nuan su'n yɛ be yo-ɔ. Ɔ lɛ-man be nun kun b'ɔ yo sa kpa-a.

³ Nyanmiɛn o nglo lɔ ɔ nian sran mun. I waan sɛ ɔ ´wun ngwlɛlɛfuɛ kun be nun b'ɔ fɛ i wun mɛntɛn i o!

⁴ Be kwlakwla b'a mlin, be kwlakwla b'a saci. Be nun kun sa yo-man sa kpa, be wie fi yo-man sa kpa bɔ kun .

⁵ Sa tɛ yofuɛ'm be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

⁶ Nian, be bɔ laa be si-man like nga be flɛ i srɛ'n, be su usu sa tututu. Nyanmiɛn wa sanngan be bɔ be kɔ kɛ be nin wɔ be ´ko kun'n be nun. Ɔ ´gua bé nyin ase, afin ɔ yili be blo.

⁷ Anannganman, jaso ya su! A nin min kpɔfuɛ mun be `kun! Jaso nan de min, tu be fɔ.