Jue Mun 30 - NYANMIƐN NDƐ'N 1998

Delɛ jue

1 Jue nga ti David liɛ. Kɛ be ´yi Nyanmiɛn i sua'n i nglo'n, yɛ ɔ kpɛli-ɔ.

¹ Jue nga ti David liɛ. Kɛ be ´yi Nyanmiɛn i sua'n i nglo'n, yɛ ɔ kpɛli-ɔ. I waan:

² Anannganman, a ti dan, m ´manman wɔ, afin a mannin min su. Yɛ wɔ man min kpɔfuɛ'm b'a sri-man min.

³ Anannganman min Nyanmiɛn, n kpan n flɛli wɔ kɛ a uka min. Kpɛkuun a yoli min juejue.

⁴ Anannganman, a yili min blɔlɔ lɔ fiteli. A cɛnnin min, yɛ wɔ man e nin be nga be la ndia'n nun lɔ'n ye afiɛn'n ɔ'a ti nun.

⁵ Anannganman i sufuɛ nanwlɛfuɛ mun, amun `to jue bo flɛ i, afin i dunman'n ɔ lɛ-man wunsu. Amun `mɛnmɛn i.

⁶ I ya'n ɔ kɔ-man mmua. Kɛ be wu ye lele bɔ e ´fa wu'n, ɔ yi i klun-ufue'n i nglo, e wun i. Nnɔsua nun'n, e gua mmuɛn ase, kpɛkuun nglɛmun'n, e bo e sro .

⁷ Blɛ bɔ n wo alaje'n nun fɔun'n, n se min wun kɛ: «Srɛ su kun-man min, yɛ min wun su usu-man min,

⁸ afin Anannganman, a sili min aunnvuɛ, yɛ wɔ man n jran cinnjin.» Sanngɛ kɛ a kacili ɔ́ sin sili min'n, min wawɛ'n ɔ wanndili min wun.

⁹ Anannganman, n kpan flɛli wɔ. Yɛ n kpatali wɔ.

¹⁰ ?I kpa'n, sɛ a yi nguan'n min nun nan be sie min'n, nguɛ li cɛ yɛ a ´nyɛn i i sɔ yolɛ'n nun-ɔn? ?Kɛ sran'n ɔ ko kaci ndutre'n, ɔ manman wɔ ekun-ɔn ɔ yo ye? ?Yɛ ɔ bo ɔ nanwlɛ jasin'n ekun-ɔn ɔ yo ye?

¹¹ Anannganman, sie ɔ su. Si min aunnvuɛ. Anannganman, de min.

¹² Mín wla b'ɔ boli min wun'n, wɔ ti man n su si able siɛn'n. W'a yi mín wun sɛ tralɛ'n, ɔ man min klun ɔ'a jɔ.

¹³ Ɔ man n ´tu n klun n ´to jue m ´manman wɔ. M muan-man mín nuan le. Anannganman min Nyanmiɛn, m ´manman wɔ tititi!