Jue Mun 26 - NYANMIƐN NDƐ'N 1998

Sran bɔ ɔ'a yo-man sa'n i Nyanmiɛn srɛlɛ

1 Jue nga ti David liɛ.

¹ Jue nga ti David liɛ. I waan: Anannganman, di min jɔlɛ mun klanman man min. Afin n nantili sein, m'an fɔn-man. N fa min wla'n n gua ɔ su. Srɛ kun-man min, min wun usu-man min.

² Anannganman, nian min anwlɛn'n nun lɔ, sa min nian. Nian-nian min klun akunndan mun nin sa ng'ɔ o min klun lɔ'n.

³ N wla fi-man ye nga a yo min'n su. A ti nanwlɛfuɛ, i ti n sɔnnzɔn wɔ.

⁴ E nin finfinfuɛ mun e tran-man, e nin gblɛfuɛ mun e san-man nun.

⁵ Mín nyin ci sran nga be cici be yo sa tɛ'n. N fa-man min wun mantan-man be nga be bu-man wɔ like fi'n bɔ be bu-man wɔ nuan ndɛ'n i like fi'n.

⁶ Anannganman, n ´wunnzin mín sa nun man be ´wun kɛ m'an yo-man sa. M ´bo sin yia ɔ sɔwlɛ'n.

⁷ N ´tike min nuan'n, n ´la wɔ ase. N ´kan abonuan sa nga a yo be'n kwlaa i ndɛ n ´sin.

⁸ Anannganman, ɔ́ sua'n bɔ a yi ɔ́ wun nglo nun nyannyannyan'n, i nun tranlɛ yo min fɛ.

⁹ Sa nga a fa yo sa tɛ yofuɛ mun'n, nán fɛ i kunngba'n yo min wie! Nán yi min nguan'n min nun kɛ sran kunfuɛ'm be liɛ'n sa.

¹⁰ B'a fa bé sa'n b'a yo sa tɛ kpanngban kpa. Adi ninnge'm b'a sɔn-man ngowa bé sa nun.

¹¹ Min liɛ'n, n nantili sein, m'an fɔn-man. Si min aunnvuɛ, yɛ de min.

¹² Atin nanwlɛ'n yɛ n fa-a, n to fuɛn-mɛn i. Anyia'm be nun'n, n ´la Anannganman i ase.