Jue Mun 23 - NYANMIƐN NDƐ'N 1998

Anannganman yɛ ɔ nian min su-ɔ

1 Jue nga ti David liɛ.

¹ Jue nga ti David liɛ. I waan: N ti kɛ bua sa, Anannganman yɛ ɔ nian min su-ɔ. Like fi su mian-man min.

² Ɔ man n de wunmiɛn lika bɔ ijre nɔnman o lɛ'n nun. Nzue ba bɔ be nuan ti fɔun'n, lɛ yɛ ɔ fa min kɔ-ɔ.

³ Kɛ min wunmiɛn'n wie'n, ɔ man min uflɛ. Ɔ fa min sin atin kpa'n nun, kɛ ɔ ´yo nan i dunman kpa'n ɔ'a fite'n ti.

⁴ Sɛ bɔ n su sin kongo tuun kpa b'ɔ yo sro'n i nun'n, srɛ bɔ kaan sa kun-man min, afin Anannganman, a nin min yɛ e kɔ-ɔ, yɛ ɔ waka bɔ a fa kle min atin'n, ɔ nin ɔ kpɔnman bɔ a fa sasa min'n, be ti n koko-man.

⁵ A man min aliɛ n di, min kpɔfuɛ'm be si sɔ. A gua mín ti su ngo fanninfannin . Min klowa'n kusu yi lele bu gua.

⁶ N si kɛ kɛ min nyin tɛ o su'n a ´yi ɔ klun-ufue'n nin ɔ klolɛ'n be nglo min lika cɛn'n kwlakwla. Anannganman, n su yaci-man ɔ sua'n nun balɛ le, san m'an wu.