Jue Mun 142 - NYANMIƐN NDƐ'N 1998

Sran nga be kle i yalɛ'n i fiawlɛ kasiɛn'n

1 Jue nga ti David liɛ. Srɛlɛ ng'ɔ srɛli Anannganman i nun b'ɔ fia yɛbuɛ buɛ'n nun lɔ'n .

¹ Jue nga ti David liɛ. Srɛlɛ ng'ɔ srɛli Anannganman i nun b'ɔ fia yɛbuɛ buɛ'n nun lɔ'n . I waan:

² N kpan kekle kpa n flɛ Anannganman. N kpan kekle n srɛ Anannganman tantrantan kpa.

³ N koko sa ng'ɔ o mín su'n n kle i. N fa nyrɛnnɛn ng'ɔ o mín su'n n sie i nyrun.

⁴ Kɛ n wla'n ɔ bo min wun'n, Anannganman, a si atin nga n wo su'n. B'a sua mín bo aya atin nga m'an fa'n su.

⁵ To ɔ́ nyin mín su wa nian: sran fi sa si-man min, n lɛ-man wanndi kɔwlɛ, sran fi ndɛ nun-man min ndɛ nun.

⁶ Anannganman, wɔ yɛ n kpan flɛ wɔ-ɔ. N se kɛ: «Wɔ yɛ a ti min fiawlɛ-ɔ. Asiɛ'n su wa'n, wɔ yɛ a ti min like bɔ n lɛ i nin-ɔn.»

⁷ Kpanlɛ nga n kpan flɛ wɔ'n, sie ɔ́ su tie, afin m'an yo fakafaka dan. De min yalɛ klefuɛ'm bé sa nun, afin be fanngan liɛ'n tra min liɛ'n.

⁸ Yi min bisua'n nun fite nan m `manman wɔ. Sɛ a ko yo min ye ko wie'n, ɔ sufuɛ nanwlɛfuɛ'm be ´bo sin yia min.