Jue Mun 137 - NYANMIƐN NDƐ'N 1998

Izraɛlfuɛ'm be ti Babilɔni nzue ba'm be nuan

¹ Kɛ e titi Babilɔni nzue ba'm bé nuan lɔ'n, bɔ e nyin kpɛnkpɛn Siɔn su'n, e sunnin.

² E fali e jru mun e satali be nzue ba'n i nuan waka'm bé su.

³ Kpɛkuun be nga be trali e ɔli'n be waan e to jue e kle be. E yalɛ klefuɛ'm be waan e to aklunjuɛ jue. Be waan: «An `to Siɔn lɔ jue'n wie kle ye.»

⁴ ?E to Anannganman i jue'n mɛn uflɛ nun sɛ bɔ cɛ yɛ ɔ yo ye-ɔ?

⁵ Ee! Zerizalɛm, sɛ mín wla fi wɔ cɛ'n, man mín sa fama'n ɔ wu min wun.

⁶ Zerizalɛm, sɛ mín wla jaso ɔ su'n, sɛ like uflɛ i ndɛ lo min tra wɔ'n, man min taaman'n ɔ mantan min lalolalo nun.

⁷ Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

⁸ Babilɔni wɔ bɔ a wa bo'n, sa tɛ nga a fa yoli ye'n, sran ng'ɔ ´yi man wɔ'n, i liɛ su ti ye !

⁹ Sran ng'ɔ tra ɔ mma mun'n, b'ɔ wɛtɛ be kpangba'n su'n, i liɛ su ti ye!