Jue Mun 13 - NYANMIƐN NDƐ'N 1998

Sran nga be kle i yalɛ'n i srɛlɛ

1 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie.

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

² ?Anannganman, nan blɛ'n kwlakwla yɛ ɔ wla ´fi min sa tititi-ɔ? ?Nan blɛ'n kwlakwla yɛ a ´to ɔ́ nyin blo sa tititi-ɔ?

³ ?Nan blɛ'n kwlakwla n ´ka kokolɛ su sa tititi? ?Nan blɛ'n kwlakwla n ´ka awlaboɛ'n nun sa tititi? ?Nan blɛ'n kwlakwla n kpɔfuɛ'n i sa'n ɔ ´kwla min sa tititi?

⁴ Anannganman, min Nyanmiɛn, to ɔ́ nyin wa nan tɛ min su, uka min wunmiɛn'n su. Ɔ'a yo-man sɔ-ɔ, wie'n ɔ ´kun min,

⁵ yɛ min kpɔfuɛ'n ɔ ´di i nuan ´se kɛ ɔ kwlali min. Uka min wunmiɛn'n su, ɔ'a yo-man sɔ-ɔ be nga be klo-man min sa'n be klun ´jɔ yɛ be ´se kɛ b'a yi min ase.

⁶ N liɛ'n, ɔ klun-ufue'n su yɛ n fa min wla'n n gua-a. Sɛ n klun ´jɔ-ɔ, ɔ fin delɛ bɔ a de min'n. Anannganman, n ´to jue m ´bo n ´flɛ wɔ sa kpa nga a yo mannin min'n ti.