Jue Mun 129 - NYANMIƐN NDƐ'N 1998

Sran nga be kle i yalɛ'n, i nuan su ndɛ

1 Zerizalɛm kɔlɛ'n i su jue.

¹ Zerizalɛm kɔlɛ'n i su jue. Kɛ ɔ fin min kaan nun lele'n, blɛ sunman be kleli min yalɛ. Man Izraɛlfuɛ'm be kan sɔ wie! Man be se kɛ:

² «Kɛ ɔ fin min kaan nun lele'n, blɛ sunman be kleli min yalɛ» sanngɛ b'a kwla-man min.

³ Be fali ngble be finnin min wia sin lɔ lele siɛn'n i osu'n ɔ jajali kplannan-kplannan kɛ fie difuɛ'm b'a tu kacɛ sa.

⁴ Anannganman yo sa i nuan su. Ɔ yili klunwifuɛ'm be sielɛ kekle bɔ be sie'n e su.

⁵ Man be bɔ be kpɔ Siɔn'n be kwlaa be wun nyannzuɛn, man be wanndi be wɔ siɛn.

⁶ Man be yo kɛ ijre b'ɔ fifi sua'n i ti su lɔ bɔ i kpɛlɛ ju-man nan ɔ'a wu kee'n sa.

⁷ Ijre sɔ'n ɔ kponzo sran ng'ɔ kpɛ'n i sa klun. Sɛ be waan be cici bɔbɔ'n, be nyɛn-mɛn i fiɛn bɔ kun.

⁸ Sran nga be ´sin'n be ´kɔ'n, be se-man kɛ: «Man Anannganman yo amun liɛ ye o. E ´yra amun nguan Anannganman i dunman nun!»