Jue Mun 120 - NYANMIƐN NDƐ'N 1998

Sran bɔ be tɔnnin i suɛn'n i srɛlɛ b'ɔ srɛ'n

1 Zerizalɛm kɔlɛ i su jue.

¹ Zerizalɛm kɔlɛ i su jue. Kɛ n wo nyrɛnnɛn nun'n, n kpan flɛli Anannganman, i kusu tɛli min su.

² Anannganman, de min ato buafuɛ mun nin be nga be ta nda ngbɛn'n bé sa nun!

³ ?Wɔ bɔ a bua ato bɔ a ta nda ngbɛn'n, nguɛ akatua bɔ cɛ yɛ a ´nyɛn i nun-ɔn?

⁴ San alɛ kunfuɛ i ta'm bɔ be wlali be sin nun nan b'a bo'n, be cɛ yɛ be to i be ɔ́ wun-ɔn.

⁵ Tranwlɛ nga n tran Mesɛk yɛ'n, m'an wun min nyrun o! Kedarfuɛ'm be afiɛn nga n trɛn i yɛ'n, m'an wun min nyrun wie!

⁶ E nin be bɔ be klo-man fɔuun tranlɛ'n y'a tran y'a cɛ ngboko.

⁷ Aunjuɛ'n i ndɛ yɛ n kan-an. Kɛ n ko kan diin tranlɛ ndɛ cɛ'n, kpɛkuun be liɛ be su kan alɛ kunlɛ'n ndɛ.