Jue Mun 113 - NYANMIƐN NDƐ'N 1998

Sa yalɛ bɔ Anannganman kaci i b'ɔ yo sa fɛ

¹ An `manman Anannganman! Amun bɔ an su Anannganman'n, an `mɛnmɛn i. An `bo flɛ Anannganman.

² Man be la Anannganman i ase tititi, nán be yaci i ase lalɛ le.

³ Kɛ ɔ fɛ i wia afiliɛ lɔ lele b'ɔ fa ju wia atɔliɛ lɔ'n, man be manman Anannganman.

⁴ Anannganman yɛ ɔ o nvle'm be kwlaa bé su-ɔ. I nyrun nyannyan'n ɔ o nyanmiɛn'n b'ɔ la nglo lɔ plaii'n i su nglo lɔ.

⁵ ?Anannganman e Nyanmiɛn'n bɔ nglo mmua lɔ yɛ ɔ ti i tranwlɛ'n, wan cɛ yɛ ɔ nin i sɛ-ɔ?

⁶ Ɔ kpɛ i nyin ase yɛ ɔ nian nyanmiɛn b'ɔ la nglo lɔ plaii'n nin asiɛ nin-ɔn.

⁷ Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan nga be gua wla lɛ'n, ɔ kuku be lɛ.

⁸ Kpɛkuun ɔ man be nin sran dandan'm be tran likawlɛ bia kpakpa'm bé su. Ɔ fa be be nin i nvle nun wlengbi mun be tran lika kunngba.

⁹ Ɔ yo man bla klun kpanfuɛ'n ɔ nyan awlo kɛ bla ta bɔ i mma'm be sin yiɛ i bɔ i klun jɔ'n sa. Amun `manman Anannganman!