1 Be Nyoliɛ 9 - NYANMIƐN NDƐ'N 1998

¹ Be kali Izraɛlfuɛ'm be kwlaa, be klɛli be dunman Izraɛl famiɛn'm be fluwa'n nun. Be trali Zidafuɛ mun lomuɛn ɔli Babilɔni, afin be kacili be sin sili Anannganman.

Zerizalɛmfuɛ mun

² Be nga be dun mmua sali bé sin be klɔ'm bé su'n, bɔ be ko fali be asiɛ mun ekun'n, yɛlɛ Izraɛlfuɛ wie mun nin Nyanmiɛn nyrun jranfuɛ mun, nin Levifuɛ mun, ɔ nin Nyanmiɛn sua'n nun junman difuɛ mun.

³ Zidafuɛ mun, nin Bɛnzamɛnfuɛ mun, nin Efraimfuɛ mun, nin Manasefuɛ mun be wie'm be wa trannin Zerizalɛm.

⁴ Itai b'ɔ ti Zidafuɛ'n trannin lɛ wie. Itai i si yɛlɛ Amiid, Amiid liɛ'n yɛlɛ Ɔmri, Ɔmri liɛ'n yɛlɛ Imri, Imri liɛ'n yɛlɛ Bani, Bani ti Zida i wa Perɛs osu'n nunfuɛ.

⁵ Azaza b'ɔ ti Silɔni i akpasua'n su ba klikli'n, ɔ nin i mma'm be trannin lɛ wie.

⁶ Zɛiɛl b'ɔ ti Zerak osu'n nunfuɛ'n, ɔ nin i niaan'm be trannin lɛ wie. Zida i akpasua sufuɛ nga be trannin Zerizalɛm'n, be ti sran ya nsiɛn sran ablangwlan.

⁷ Bɛnzamɛn osu nun'n, Sali trannin lɛ wie. Sali i si'n yɛlɛ Mɛsilam, Mɛsilam liɛ'n yɛlɛ Ɔdavia, yɛ Ɔdavia liɛ'n yɛlɛ Asɛnia.

⁸ Bɛnzamɛn osu kunngba nun'n, Zɛrosam i wa Zibnɛza trannin lɛ wie. Mikri i wa Izi klun ba liɛ Ela trannin lɛ wie. Zibniza wa Reiɛl i wa liɛ Sɛfatia klun ba liɛ Mɛsilam kusu trannin lɛ wie.

⁹ Be kwlaa sɔ'm be ti be awlobo kunngun'm be su kpɛnngbɛn. Bɛnzamɛn akpasua sufuɛ nga be trannin Zerizalɛm'n be ti sran ya ngwlan sran ablenun-nin-nsiɛn.

¹⁰ Nyanmiɛn nyrun jranfuɛ'm be nun'n, Zɛdaɛza, nin Zɛozarib, nin Zakɛn, ɔ nin

¹¹ Azaria be trannin lɛ wie. Azaria i si'n yɛlɛ Ilkiza, Ilkiza liɛ'n yɛlɛ Mɛsilam, Mɛsilam liɛ'n yɛlɛ Zadɔk, Zadɔk liɛ'n yɛlɛ Mɛrazɔt, yɛ Mɛrazɔt liɛ'n yɛlɛ Asitib. Asitib ti Nyanmiɛn i sua'n su kpɛn.

¹² Nyanmiɛn nyrun jranfuɛ kunngba'm be nun'n, Adaza trannin lɛ wie. Adaza i si'n yɛlɛ Zɛrosam, Zɛrosam liɛ'n yɛlɛ Pasir, yɛ Pasir liɛ'n yɛlɛ Malkiza. Maɛzai kusu trannin lɛ wie. Maɛzai i si'n yɛlɛ Adiɛl, Adiɛl liɛ'n yɛlɛ Zakzera, Zakzera liɛ'n yɛlɛ Mɛsilam, Mɛsilam liɛ'n yɛlɛ Mɛsilemit, yɛ Mɛsilemit liɛ'n yɛlɛ Imɛr.

¹³ Be kwlaa sɔ'n be ti awlobo kpɛnngbɛn mun. Be ti sran akpi kun sran ya nso sran ablesiɛn (1.760). Be kwlaa'm be lɛ nyrun, be yɛ be di Nyanmiɛn i sua'n nun junman nin-ɔn.

¹⁴ Levifuɛ'm be nun'n, Sɛmaɛza trannin lɛ wie. Sɛmaɛza i si'n yɛlɛ Asib, Asib liɛ'n yɛlɛ Azrikam, Azrikam liɛ'n yɛlɛ Asabia b'ɔ ti Mɛrari akpasua'n sufuɛ'n.

¹⁵ Levifuɛ kunngba'm be nun'n, Bakbakar, nin Erɛs, nin Galal, ɔ nin Matania be trannin lɛ wie. Matania i si'n yɛlɛ Mise, Mise liɛ'n yɛlɛ Zikri, yɛ Zikri liɛ'n yɛlɛ Azaf.

¹⁶ Abdias trannin lɛ wie. Abdias si'n yɛlɛ Sɛmaɛza, Sɛmaɛza liɛ'n yɛlɛ Galal, Galal liɛ'n yɛlɛ Zɛditɛn. Berekia trannin lɛ wie. Berekia i si'n yɛlɛ Aza, Aza liɛ'n yɛlɛ Ɛlkana ng'ɔ tran Nɛtofa klɔ'n i asa'n su'n.

¹⁷ Anuan su nianfuɛ'm be nun'n, Salɔm, nin Akib, nin Talmɔn, nin Aiman be trannin lɛ wie. Salɔm ti be su kpɛnngbɛn.

¹⁸ Lele ndɛ, be osufuɛ mun yɛ be nian famiɛn i anuan'n su wia afiliɛ lɔ-ɔ. Be yɛ be yoli Levifuɛ'm be akpasua'n su anuan su nianfuɛ mun laa nin-ɔn.

¹⁹ Kɔre i wa Salɔm nin i si i mma mun yɛ be nian tannin sua'n i anuan'n su-ɔ. Salɔm i si'n yɛlɛ Kɔre, Kɔre liɛ'n yɛlɛ Ɛbzazaf, yɛ Ɛbzazaf i si liɛ'n, be flɛ i kɛ Kɔre. Be nannan mun yɛ be niannin Anannganman i nvle'n nunfuɛ'm be nanmue'n su laa nin-ɔn.

²⁰ Eleazar i wa Fine yɛ ɔ ti be kpɛn blɛ sɔ'n nun-ɔn. Anannganman jrɛnnin i sin.

²¹ Mɛselemia i wa Zakari kusu yoli Anannganman i tannin sua'n i anuan'n su nianfuɛ laa wie.

²² Be kwlaa nga be kpali be kɛ be nian anuan'n su'n, be ti sran ya nnyɔn sran blu-nin-nnyɔn. Be toli be be klɔ'm bé su lɔ yɛ be ko klɛli be dunman-an. David nin Samiɛl b'ɔ ti jeliwafuɛ'n yɛ be fali be sieli i junman sɔ'n su-ɔ.

²³ Be sieli be kɛ be nin be osu'n nunfuɛ'm be nian Anannganman i tannin sua'n i anuan'm be su.

²⁴ Be jran wia afiliɛ lɔ anuan'n, nin wia atɔliɛ lɔ liɛ'n, nin mɛn'n i nglo lɔ liɛ'n, ɔ nin ngua lɔ liɛ'n be nun. Be nian be nnan'm be su.

²⁵ Blɛ wie ju'n, be niaan nga be tran be klɔ kunngun'm bé su'n, be wa uka be. Be di le mɔcuɛ kpɛkuun b'a sa bé sin b'a ɔ,

²⁶ sanngɛ Levifuɛ nnan nga be ti anuan nun jranfuɛ'm be su kpɛn'n, be liɛ be tu-man bé bo. Be kunngba'n mun yɛ be nian Nyanmiɛn i sua'n nun bɔlɛ'n nin i wun lɛ sua ba'm bé su-ɔ.

²⁷ Be la Nyanmiɛn i sua'n wun lɛ, afin be yɛ be sieli be kɛ be nian su-ɔ. Nglɛmun kwlaa be yɛ be tike anuan mun-ɔn.

²⁸ Be wie'm be junman liɛ bɔ be di'n, yɛlɛ Nyanmiɛn i sulɛ ninnge'm bé su nianlɛ. Kɛ be ´fa be kɔ'n, be ka be. Kɛ be fa be ba'n, be ka be.

²⁹ Be wie'm be kusu be nian Nyanmiɛn i lika kpa'n nun lɔ kpongbo'm be su. Yɛ be nian ble sanmlɛn mlɛnnɛnnɛn'n, nin nzan'n, nin ngo'n, nin ansans'n, ɔ nin parfɛn'n be su.

³⁰ Nyanmiɛn nyrun jranfuɛ mun yɛ be sanngan-sanngan parfɛn mun-ɔn.

³¹ Be flɛ Levifuɛ kun kɛ Matitia. I yɛ ɔ ti Salɔm b'ɔ ti Kɔrefuɛ'n i wa klikli nin-ɔn. Kpaun nga be gua-man nun kpaun ayre bɔ be fa yi sraka'n, i yɛ ɔ tɔn-ɔn, ɔ kɛɛn.

³² Keat osu'n nunfuɛ'm be wie mun be yɛ be tɔn kpaun nga be fa sie Nyanmiɛn nyrun lɛ nin-ɔn. Be tɔn i wunmiɛn-delɛ-cɛn'n nun titi.

³³ Levifuɛ nga be ti awlobo kpɛnngbɛn bɔ be to jue'n, be la Nyanmiɛn i sua'n i sua ba'm be nun. Be di-man junman uflɛ. Kɔnguɛ nin wia su be o be junman liɛ sɔ'n su.

³⁴ Levifuɛ nga be yoli be awlobo kunngun'n be su kpɛnngbɛn'n be yɛ be o lɛ-ɔ. Be trannin Zerizalɛm.

Sail i awlo nunfuɛ mun

³⁵ Sran ng'ɔ takali Gabaɔn klɔ'n, be flɛ i kɛ Zɛiɛl. Ɔ trannin Gabaɔn lɛ. Be flɛ i yi'n kɛ Maaka.

³⁶ I wa klikli'n yɛlɛ Abdɔn, i sin liɛ mun yɛlɛ Zir, nin Kis, nin Baal, nin Nɛr, nin Nadab, nin

³⁷ Gɛdɔr, nin Akzo, nin Zakari, ɔ nin Miklɔt.

³⁸ Miklɔt wuli Simeam. Be nin be osufuɛ'm b'a tran-man. Be nin be niaan wie'm be trannin be liɛ Zerizalɛm.

³⁹ Nɛr wuli Kis, Kis wuli Sail, Sail wuli Zonatan, nin Malki-Sia, nin Abinadab, ɔ nin Ɛsbaal.

⁴⁰ Zonatan i wa yɛlɛ Mɛrib-Baal. Mɛrib-Baal wuli Mise.

⁴¹ Mise i mma mun yɛlɛ Pitɔn, nin Melɛk, ɔ nin Takrea.

⁴² Akaz wuli Zaɛra. Zaɛra wuli Alemɛt, nin Azmavɛt, ɔ nin Zimri. Zimri wuli Moza.

⁴³ Moza wuli Binea, Binea wuli Rɛfaza, Rɛfaza wuli Eleaza, yɛ Eleaza wuli Azɛl.

⁴⁴ Azɛl wuli ba nsiɛn. Be dunman mun yɛ: Azrikam, Bɔkri, Ismaɛl, Searia, Abdias, yɛ Anan.