1 Be Nyoliɛ 3 - NYANMIƐN NDƐ'N 1998

David osu'n

¹ Ba nga David wuli be Ebrɔn lɔ'n mun yɛ. I wa klikli'n yɛlɛ Amɔn b'ɔ nin Asinɔam b'ɔ fin Zizreɛl'n be wuli i'n. I nnyɔn su'n yɛlɛ Daniɛl b'ɔ nin Abigail b'ɔ fin Karmɛl'n be wuli i'n.

² I nsan su'n yɛlɛ Absalɔm b'ɔ nin Talmai b'ɔ ti Gesir famiɛn'n i wa Maaka be wuli i'n. I nnan su'n yɛlɛ Adɔniza b'ɔ nin Agit be wuli i'n.

³ I nnun su'n yɛlɛ Sɛfatia b'ɔ nin Abital be wuli i'n, i nsiɛn su'n yɛlɛ Zitream b'ɔ nin i yi Egla be wuli i'n.

⁴ Ba nsiɛn sɔ'n, Ebrɔn lɔ yɛ ɔ wuli be-ɔ. Famiɛn David trannin Ebrɔn lɔ afuɛ nso nin anglo nsiɛn, kpɛkuun ɔ trannin Zerizalɛm afuɛ ablasan-nin-nsan.

⁵ Ba ng'ɔ wuli be Zerizalɛm lɔ'n mun yɛ: Simea, nin Sɔbab, nin Natan, ɔ nin Salomɔn. Ɔ nin Amiɛl i wa Bat-Seba yɛ be wuli be nnan mun-ɔn.

^6-8 I wa ekun yɛlɛ Zibar, nin Elisama, nin Ɛlfelɛt, nin Nɔga, nin Nefɛg, nin Zafia, nin Elisama, nin Eliada, ɔ nin Elifelɛt, be ti ba yasua ngwlan.

⁹ Be kwlaa sɔ'm be ti David i wa. Ɔ nin i soman'm be mma'm be nun-man nun. Ɔ wuli ba bla kun. Be flɛ i kɛ Tamar.

¹⁰ Salomɔn i wa yɛlɛ Rɔbɔam. Rɔbɔam kusu wuli Abiza, Abiza wuli Aza, Aza wuli Zozafat,

¹¹ Zozafat wuli Zɔram, Zɔram wuli Akazia, Akazia wuli Zɔas,

¹² Zɔas wuli Amazia, Amazia wuli Azaria, Azaria wuli Zɔtam,

¹³ Zɔtam wuli Akaz, Akaz wuli Ezekias, Ezekias wuli Manase,

¹⁴ yɛ Manase wuli Amɔn nin Zozias.

¹⁵ Zozias i mma mun yɛlɛ be nga be o yɛ mun: i klikli'n yɛlɛ Zosanan, i nnyɔn su'n yɛlɛ Zozakim, i nsan su'n yɛlɛ Sedesias, i nnan su'n yɛlɛ Salɔm.

¹⁶ Zozakim wuli Zekɔnias nin Sedesias.

¹⁷ Zekɔnias bɔ be trɛli i ɔli Babilɔni'n i mma mun yɛlɛ Sealtiɛl, nin

¹⁸ Malkiram, nin Pɛdaza, nin Senazar, nin Zɛkamia, nin Osama, ɔ nin Nɛdabia.

¹⁹ Pɛdaza i mma mun yɛlɛ Zorobabɛl, ɔ nin Simɛi. Zorobabɛl wa yasua mun yɛlɛ Mɛsilam nin Anania. Ɔ wuli ba bla kun. Be flɛ i kɛ Sɛlɔmit.

²⁰ Ɔ wuli ba nnun ekun. Ba sɔ mun yɛlɛ Asiba, nin Ɔɛl, nin Berekia, nin Azadia, ɔ nin Zisab-Ezɛd.

²¹ Anania i mma mun yɛlɛ Pɛlatia nin Ezai. I osu'n nunfuɛ mun yɛlɛ Rɛfaza i mma mun, nin Arnan i mma mun, nin Abdias i mma mun, ɔ nin Sɛkania i mma mun.

²² Sɛkania i wa yɛlɛ Sɛmaɛza. Sɛmaɛza i mma mun yɛlɛ Atis, nin Zigeal, nin Bariak, nin Nearia, ɔ nin Safat. Be kwlaa be yoli ba nsiɛn.

²³ Nearia wuli ba nsan. Be yɛlɛ Ɛlzɔenai, nin Ezekias, ɔ nin Azrikam.

²⁴ Ɛlzɔenai wuli ba nso. Be yɛlɛ Ɔdavia, nin Eliasib, nin Pɛlaza, nin Akib, nin Zosanan, nin Dɛlaza, ɔ nin Anani.