1 Be Nyoliɛ 2 - NYANMIƐN NDƐ'N 1998

Zida osu'n

¹ Izraɛl bɔ be flɛ i Zakɔb'n i mma mun yɛ: Ribɛn, nin Simeɔn, nin Levi, nin Zida, nin Isakar, nin Zabilɔn, nin

² Dan, nin Zozɛf, nin Bɛnzamɛn, nin Nɛftali, nin Gad, ɔ nin Azɛr.

³ Zida nin Sia i wa bla b'ɔ ti Kanaanfuɛ'n be wuli ba yasua nsan. Be dunman mun yɛ: Ɛr, Ɔnan, yɛ Sela. Ɛr b'ɔ ti ba klikli'n yoli sa tɛ wie mun. I ti Anannganman man ɔ wuli.

⁴ Zida nin Tamar b'ɔ ti i sewi kan'n be wuli Perɛs nin Zerak. Ɔ man Zida i mma yasua'm be ngba be yoli nnun.

⁵ Perɛs i mma mun yɛlɛ Ɛzrɔn nin Amil.

⁶ Zerak i mma liɛ mun yɛlɛ Zimri, nin Etan, nin Eman, nin Kalkɔl, ɔ nin Dara. Be kwlaa be ti nnun.

⁷ Karmi i wa liɛ'n yɛlɛ Akar b'ɔ fali like nga Nyanmiɛn waan nán be fa'n. I ti man sa tɔli Izraɛl su.

⁸ Etan i wa liɛ'n yɛlɛ Azaria.

⁹ Ɛzrɔn wuli Zɛrakmeɛl, nin Ram, ɔ nin Kalɛb bɔ i dunman ekun yɛlɛ Kɛlibai'n.

¹⁰ Ram wuli Aminadab. Aminadab wuli Naksɔn bɔ i yɛ ɔ yoli Zida akpasua'n su kpɛnngbɛn'n.

¹¹ Naksɔn wuli Salma, Salma wuli Bɔaz,

¹² Bɔaz wuli Obɛd. Yɛ Obɛd wuli Izai.

¹³ Izai wuli ba nso. I klikli'n yɛlɛ Eliab, i nnyɔn su'n yɛlɛ Abinadab, i nsan su'n yɛlɛ Simea,

¹⁴ i nnan su'n yɛlɛ Nɛtaneɛl, i nnun su'n yɛlɛ Radai,

¹⁵ i nsiɛn su'n yɛlɛ Ɔzɛm, i nso su'n yɛlɛ David.

¹⁶ Be niaan bla mun yɛlɛ Zɛriza, ɔ nin Abigail. Zɛriza wuli ba nsan, be yɛlɛ Abisai, nin Zoab, ɔ nin Azaɛl.

¹⁷ Abigail kusu wuli ba yasua kun. Be flɛ i Amaza. Amaza i si yɛlɛ Zetɛr b'ɔ ti Ismaɛl osu'n nunfuɛ'n.

¹⁸ Ɛzrɔn i wa Kalɛb nin Aziba b'ɔ ti i yi'n be wuli ba mun. Yɛ ɔ nin Zɛriɔt be wuli ba. Ɔ nin Aziba be mma mun yɛ: Zesɛr, nin Sɔbab, ɔ nin Ardɔn.

¹⁹ Kɛ Aziba wuli'n, Kalɛb jali Efrat. Ɔ nin i be wuli Ir.

²⁰ Ir wuli Iri, yɛ Iri wuli Bɛzaleɛl.

²¹ Ɛzrɔn fali Makir i wa bla'n nan ɔ nin i b'a wu Sɛgib. Kɛ ɔ ´yo sɔ'n, wuun Ɛzrɔn ɔ'a di afuɛ ablesiɛn. Makir i wa kun ekun yɛlɛ Galaad.

²² Sɛgib yɛ ɔ wuli Zair ng'ɔ nyannin klɔ ablaɔn-nin-nsan Galaad nvle'n nun nin-ɔn.

²³ Gesirfuɛ mun, nin Aramfuɛ'm be fali Zair i klɔ kanngan mun. Yɛ be fali klɔ dan nga be flɛ i kɛ Kɛnat'n nin klɔ nga be o i asa'n su'n. Klɔ nga be fali'n be ti klɔ ablesiɛn. Be nga be tran klɔ sɔ'm be su'n, be kwlaa be ti Makir b'ɔ ti Galaad i si'n i mma mun.

²⁴ Kɛ Ɛzrɔn wuli'n, i wa Kalɛb fali Efrata b'ɔ ti i si i yi'n nan ɔ nin i b'a wu Askir. Askir sɔ'n yɛ ɔ takali Tekoa klɔ nin-ɔn.

²⁵ Zɛrakmeɛl b'ɔ ti Ɛzrɔn i wa klikli'n i mma mun yɛ: i klikli'n yɛlɛ Ram, i sin liɛ mun yɛlɛ Bina, nin Ɔrɛn, nin Ɔzɛm, ɔ nin Asiza.

²⁶ Zɛrakmeɛl fali bla kun ekun, be flɛ i kɛ Atara, i yɛ ɔ ti Ɔnam i nin nin-ɔn.

²⁷ Ram b'ɔ ti Zɛrakmeɛl i wa klikli'n i mma mun yɛlɛ Maaz, nin Zamɛn, ɔ nin Ekɛr.

²⁸ Ɔnam i mma mun yɛlɛ Samai nin Zada. Samai i mma mun yɛlɛ Nadab nin Abisir.

²⁹ Abisir jali Abiail, ɔ nin i be wuli Akban nin Mɔlid.

³⁰ Nadab i mma mun yɛlɛ Selɛd nin Apaim. Selɛd ɔ'a wu-man ba yɛ ɔ wuli-ɔ.

³¹ Apaim i wa yɛlɛ Zisɛi. Zisɛi i wa yɛlɛ Sesan. Sesan wa yɛlɛ Aklai.

³² Samai niaan Zada i mma mun yɛlɛ Zetɛr nin Zonatan. Zetɛr ɔ'a wu-man ba yɛ ɔ wuli-ɔ.

³³ Zonatan i mma mun yɛlɛ Pelɛt nin Zaza. Zɛrakmeɛl osu'n yɛ ɔ o lɛ-ɔ.

³⁴ Sesan ɔ'a wu-man ba yasua, ɔ wuli ba bla ngunmin. Ɔ lɛ i kanga kun, be flɛ i kɛ Zarka, ɔ ti Eziptfuɛ.

³⁵ Sesan fɛli i wa bla'n kun mannin Zarka b'ɔ ti i kanga'n kɛ ɔ jɛ i. Zarka nin bla'n be wuli ba. Be flɛ i Atai.

³⁶ Atai wuli Natan, Natan wuli Zabad,

³⁷ Zabad wuli Ɛflal, Ɛflal wuli Obɛd,

³⁸ Obɛd wuli Zei, Zei wuli Azaria,

³⁹ Azaria wuli Alɛz, Alɛz wuli Elaza,

⁴⁰ Elaza wuli Sismai, Sismai wuli Salɔm,

⁴¹ Salɔm wuli Zɛkamza, Zɛkamza wuli Elisama.

⁴² Zɛrakmeɛl i niaan bian Kalɛb i wa klikli'n yɛlɛ Mesa. Mesa wuli Zif nin Maresa. Yɛ Maresa kusu wuli Ebrɔn.

⁴³ Ebrɔn i mma mun yɛlɛ Kɔre, nin Tapiak, nin Rekɛm, ɔ nin Sema.

⁴⁴ Sema i wa yɛlɛ Rasam, yɛ Rasam kusu wuli Zɔrkeam. Rekɛm wuli Samai.

⁴⁵ Samai i wa yɛlɛ Maɔn. Maɔn yɛ ɔ takali Bɛt-Zir klɔ nin-ɔn.

⁴⁶ Kalɛb nin i soman Efa be wuli Aran, nin Moza ɔ nin Gazɛz. Aran wuli ba kun fa tɔnnin Gazɛz.

⁴⁷ Zadai i mma mun yɛlɛ Regɛm, nin Zɔtam, nin Gesan, nin Pelɛt, nin Efa, ɔ nin Saaf.

⁴⁸ Kalɛb nin i soman Maaka be wuli Sebɛr nin Tirkana.

⁴⁹ I sin be wuli Saaf nin Seva. Saaf yɛ ɔ dun mmua trannin Madmana lika'n nun-ɔn. Sɛza kusu yɛ ɔ takali Makbena klɔ'n nin Gibea klɔ nin-ɔn. Kalɛb wuli ba bla kun. Be flɛ i kɛ Aksa.

⁵⁰ Kalɛb osu'n nunfuɛ wie mun yɛ. Kun yɛlɛ Ir b'ɔ ti Kalɛb nin i yi Efrata be wa klikli'n. Ir wuli Sɔbal. Sɔbal yɛ ɔ takali Kirzat-Zearim klɔ nin-ɔn.

⁵¹ Ba'n kun ekun yɛlɛ Salma. I yɛ ɔ takali Bɛtleɛm klɔ nin-ɔn. Kun ekun yɛlɛ Arɛf. I yɛ ɔ takali Bɛt-Gadɛr klɔ nin-ɔn.

⁵² Sɔbal b'ɔ takali Kirzat-Zearim klɔ'n, i wa yɛlɛ Arɔe. Yɛ i osu'n nunfuɛ mun yɛlɛ be nga be tran Azi-Amɛniɔt lɔ'n be bue.

⁵³ Akpasua nga be ti Kirzat-Zearimfuɛ mun'n yɛlɛ Zetɛrfuɛ mun, nin Pitfuɛ mun, nin Simafuɛ mun, yɛ Misrafuɛ mun. Be osu'n nunfuɛ mun yɛlɛ Zɔreafuɛ mun nin Ɛsetaɔlfuɛ mun.

⁵⁴ Salma osu'n nunfuɛ mun yɛlɛ Bɛtleɛmfuɛ mun, nin Nɛtofafuɛ mun, nin Atrɔt-Bɛt-Zoabfuɛ mun, nin be nga be tran Azi-Amanakti'n be bue, nin Zɔreafuɛ mun,

⁵⁵ ɔ nin akpasua nga be ti fluwa klɛfuɛ bɔ be tran Zaɛbɛz'n. Fluwa klɛfuɛ sɔ mun yɛlɛ Tireatfuɛ mun, nin Simeatfuɛ mun, ɔ nin Sikatfuɛ mun. Be ti kɛnfuɛ mun. Be ti Amat b'ɔ ti Rekabfuɛ'm be nannan'n i osu'n nunfuɛ mun.