Зәбүр 126 - Изге Яҙма

1 Ҡорамға артылыусылар йыры. Сөләймәндең йыры.

¹ Ҡорамға артылыусылар йыры. Сөләймәндең йыры. Әгәр йортто Раббы һалдырмаһа, Төҙөүселәр юҡҡа тырыша. Әгәр ҡаланы Раббы һаҡламаһа, Һаҡсының уяу тороуы бушҡа.

² Юҡҡа ғына ҡара таңдан тороп Ҡара төнгә тиклем эшләйһегеҙ. Аҙап менән тапҡан икмәгегеҙҙе ашайһығыҙ – Раббы Үҙе яратҡанға йоҡлап ятҡанда ла бирә.

³ Бына Раббының биргән өлөшө – балалар, Аналыҡтың емеше – Уның бүләге.

⁴ Йәш саҡта тыуған уландар Яугир ҡулындағы уҡтар һымаҡ.

⁵ Ниндәй бәхетле улар менән һаҙағын тултырған кеше! Ҡала ҡапҡаһы төбөндә дошман менән сәкәләшкән саҡта Ул мәсхәрә булып ҡалмаясаҡ.