І Йылъяҙма 25 - Изге Яҙма

Йырсылар

¹ Дауыт ғәскәр башлыҡтары менән бергә Асаф, Һеман һәм Йедуҫун улдарын махсус хеҙмәткә айырып ала: улар, арфала һәм лирала уйнап һәм тәрилкә һуғып, пәйғәмбәрлек итергә тейеш була. Был хеҙмәткә түбәндәгеләр тәғәйенләнә.

² Асаф улдарынан: Заккур, Йософ, Нетанъяһ һәм Асарела. Улар аталарының етәкселеге аҫтында була. Асаф батша бойороғо буйынса пәйғәмбәрлек итергә тейеш була.

³ Йедуҫундан: Йедуҫундың алты улы – Гедалъяһ, Сери, Йешағъяһ, Шимғи, Хашавъяһ, Маттиҫъяһ. Аталары Йедуҫун уларҙың етәксеһе була, арфала уйнап пәйғәмбәрлек итә һәм Раббыға шөкөрана ҡылып маҡтау яуҙыра.

⁴ Һемандан: Һемандың улдары Буккияһ, Маттанъяһ, Ғуззиил, Шевуил, Йеримоҫ, Хананъяһ, Ханани, Әлиаҫа, Гиддалти, Ромамти-Әзәр, Йошбеҡаша, Маллоҫи, Һоҫир һәм Махазиоҫ.

⁵ Был балалар барыһы ла Алланың батша әүлиәһе Һеманға, данлы итермен, тигән вәғәҙәһе буйынса бирелгән була. Алла Һеманға ун дүрт ул һәм өс ҡыҙ насип итә.

⁶ Улар барыһы ла аталарының етәкселеге аҫтында тәрилкә һуғып, лира һәм арфаларҙа уйнап, йырлап, Раббы йортонда хеҙмәт итә. Асаф, Йедуҫун, Һеман батшаға буйһона.

⁷ Раббы алдында йырларға өйрәтелеп, был һөнәрҙең оҫталары булғандар ағай-энеләре менән бергә һәммәһе ике йөҙ һикһән һигеҙ кеше була.

⁸ Улар, йәрәбә һалып, хеҙмәт итеү сиратын билдәләй. Йәрәбә һалғанда олоһо-кесеһе, остаздары һәм өйрәнсектәре тиң була.

⁹ Беренсе йәрәбә – Асаф нәҫеленән Йософҡа, икенсеһе ағай-энеһе һәм улдары менән Гедалъяһҡа сыға. Улар ун ике кеше була.

¹⁰ Өсөнсөһө улдары һәм ағай-энеһе менән Заккурға төшә, улар – ун ике.

¹¹ Дүртенсеһе улдары һәм ағай-энеһе менән Исригә – улар ун ике.

¹² Бишенсеһе улдары һәм ағай-энеһе менән Нетанъяһҡа – улар ун ике.

¹³ Алтынсыһы улдары һәм ағай-энеһе менән Буккияһҡа – улар ун ике.

¹⁴ Етенсеһе улдары һәм ағай-энеһе менән Йесарела – улар ун ике.

¹⁵ Һигеҙенсеһе улдары һәм ағай-энеһе менән Йешағъяһҡа – улар ун ике.

¹⁶ Туғыҙынсыһы улдары һәм ағай-энеһе менән Маттанъяһҡа – улар ун ике.

¹⁷ Унынсыһы улдары һәм ағай-энеһе менән Шимғигә – улар ун ике.

¹⁸ Ун беренсеһе улдары һәм ағай-энеһе менән Ғазарилға – улар ун ике.

¹⁹ Ун икенсеһе улдары һәм ағай-энеһе менән Хашавъяһҡа – улар ун ике.

²⁰ Ун өсөнсөһө улдары һәм ағай-энеһе менән Шуваилға – улар ун ике.

²¹ Ун дүртенсеһе улдары һәм ағай-энеһе менән Маттиҫъяһҡа – улар ун ике.

²² Ун бишенсеһе улдары һәм ағай-энеһе менән Йәремоҫҡа – улар ун ике.

²³ Ун алтынсыһы улдары һәм ағай-энеһе менән Хананъяһҡа – улар ун ике.

²⁴ Ун етенсеһе улдары һәм ағай-энеһе менән Йошбеҡашаға – улар ун ике.

²⁵ Ун һигеҙенсеһе улдары һәм ағай-энеһе менән Хананиға – улар ун ике.

²⁶ Ун туғыҙынсыһы улдары һәм ағай-энеһе менән Маллоҫиға – улар ун ике.

²⁷ Егерменсеһе улдары һәм ағай-энеһе менән Әлиаҫаға – улар ун ике.

²⁸ Егерме беренсеһе улдары һәм ағай-энеһе менән Һоҫирға – улар ун ике.

²⁹ Егерме икенсеһе улдары һәм ағай-энеһе менән Гиддалтиға – улар ун ике.

³⁰ Егерме өсөнсөһө улдары һәм ағай-энеһе менән Махазиоҫҡа – улар ун ике.

³¹ Егерме дүртенсеһе улдары һәм ағай-энеһе менән Ромамти-Әзәргә – улар ун ике.