Womusu 87 - Bibeli Gusunɔn Gari

¹ Womu ɡeniwɑ Koren bibu bɑ kuɑ. Bɑ nɛɛ, Yinni Gusunɔ u Yerusɑlɛmun kpɛɛkpɛɛku swĩiwɑ ɡuu te win tii u ɡɔsɑ u dɛɛrɑsiɑn wɔllɔ.

² U Yerusɑlɛmu ye kĩ n kere wuu si su wɑ̃ɑ Yɑkɔbun bweserun tem kpuro sɔɔ.

³ Yerusɑlɛmu, Gusunɔn wuu, bɑ wunɛn bɛɛrɛ bɑkɑn ɡɑri ɡerumɔ.

⁴ Nɛ, Yinni Gusunɔ, nɑ̀ n bwesenun yĩsinu yorumɔ ni nu mɑn yɛ̃, kon Eɡibitiɡibu kɑ Bɑbiloniɡibu kɑ Filisitibɑ kɑ Tiriɡibu kɑ Etiopiɡibun yĩsinu yore. Domi bɑ bu mɑrɑwɑ Yerusɑlɛmu mini.

⁵ Adɑmɑ Yerusɑlɛmuɡibu bɑ koo nɛɛ, ben temɑ mi kɑ ɡem. Wɔrukoowɑ u mɛn kpɛɛkpɛɛku swĩi.

⁶ Yinni Gusunɔ u koo bwesenun yĩsinu yore kpɑ u nɛɛ, Yerusɑlɛmuɔrɑ bɑ bu mɑrɑ.

⁷ Be bɑ womusu mɔ̀ bɑ yɑɑmɔ, bɑ koo nɔɔɡiru suɑ bɑ n mɔ̀, Yinni, bɛsɛn nuuru kpuro tɑ woowɑ wunɛn mi.