Womusu 82 - Bibeli Gusunɔn Gari

¹ Womu ɡe Asɑfu u kuɑ. Ge wee. Gusunɔ u wɑ̃ɑ wɔllun tɔmbun suunu sɔɔ. Miyɑ u wɑ̃ɑ u kɑ sirimɔ. U nɛɛ,

² sere sɑɑ yerɑ̀ i ko i n wɑ̃ɑ i n sirimɔ kɑ weesu, i n yɔ̃ tɑɑrɛɡibun biruɔ.

³ I dɑm sɑriruɡibu kɑ ɡobekubɑ ben ɡem wɛ̃ɛyɔ. I wɔnwɔndobu kɑ sɑ̃ɑrobu ben ɡem wɛ̃ɛyɔ.

⁴ I dɑm sɑriruɡibu kɑ be bɑ dɑm dɔremɔ fɑɑbɑ koowo. I bu wɔro tɔn kɔ̃sobun nɔmɑn di.

⁵ Adɑmɑ bɛɛ, i ǹ ɡɑ̃ɑnu ɡɑnu yɛ̃. I ǹ mɑɑ bwisi ɡɛɛ mɔ. I kom kɔ̃sum mɔ̀wɑ, mɑ yɑ derɑ ɡem mu doonɑ hɑnduniɑn di.

⁶ Nɑ rɑɑ nɛɛ, i sɑ̃ɑwɑ wɔllun tɔmbu. I sɑ̃ɑwɑ Wɔrukoon bibu.

⁷ Adɑmɑ i ko i ɡbiwɑ nɡe tɔn dirobu. I ko i ɡbiwɑ nɡe sinɑmbu kpuro.

⁸ Gusunɔ, ɑ seewo ɑ hɑnduniɑ siri. Domi wunɑ ɑ bwesenu kpuro mɔ.