Womusu 54 - Bibeli Gusunɔn Gari

¹ Dɑfidin womu ɡe u wom kowobun wiruɡii kuɑ kɑ mɔrɔku

² sɑnɑm mɛ Sifuɡibu bɑ nɑ Sɔɔlun mi bu kɑ nùn sɔ̃ mɑ Dɑfidi u kukuɑ ben temɔ. Ge wee.

³ Gusunɔ, ɑ mɑn fɑɑbɑ koowo wunɛn yĩsirun sɔ̃. A de ɑ mɑn siriɑ kɑ wunɛn dɑm bɑkɑm.

⁴ Yinni Gusunɔ, ɑ swɑɑ tem kpĩiyɔ kpɑ ɑ nɛn kɑnɑru nɔ.

⁵ Domi tɔn tukobu bɑ mɑn seesi. Tɔn kɔ̃sobu bɑ kɑsu bu mɑn ɡo. Ben bwisikunu sɔɔ, bɑ nɛɛ, wunɛ Gusunɔ ɑ sɑri.

⁶ Adɑmɑ nɛn mi, wunɑ ɑ sɑ̃ɑ nɛn fɑɑbɑ kowo. Be bɑ kɑ mɑn yɔ̃, berɑ ɑ mɑɑ kɑ yɔ̃.

⁷ A nɛn yibɛrɛbɑ kɔ̃sɑ kɔsio. A mɑn bɔrɔkiniru sɔ̃ɔsio, ɑ bu ɡo.

⁸ Kon nun yɑ̃kunu kuɑ kɑ nuku tiɑ. Kon womu ko kɑ wunɛn yĩsiru n nun tɔmɑ, domi ɑ sɑ̃ɑ tɔn ɡeo.

⁹ Wunɑ ɑ rɑ mɑn nuku sɑnkirɑru wunɑri, kpɑ nɑ n nuku dobu mɔ nɑ̀ n nɛn yibɛrɛbɑ wɑ.