Womusu 25 - Bibeli Gusunɔn Gari

¹ Dɑfidin womu. Yinni Gusunɔ, wunɑ nɑ soku. Wee nɑ yiire nɑ nun kɑnɑmɔ.

² Nɑ nun nɑɑnɛ sɑ̃ɑ. A ku de n sekuru wɑ. A ku de nɛn yibɛrɛbɑ bu mɑn yɛ̃ɛ.

³ Be bɑ nun nɑɑnɛ sɑ̃ɑ bɑ ǹ sekuru wɑsi, ɑdɑmɑ be bɑ ǹ kɑ nun yɔ̃, bɑ koo sekuru wɑ.

⁴ Yinni Gusunɔ, nɑ nun kɑnɑmɔ, ɑ mɑn wunɛn swɑɑ sɔ̃ɔsio. A mɑn sɔ̃ɔsio nɡe mɛ kon sĩ ye sɔɔ.

⁵ Nɛn Fɑɑbɑ kowo, ɑ mɑn kpɑro ɡem swɑɑ sɔɔ. A mɑn keu koowo. Domi wunɑ nɑ nɑɑnɛ sɑ̃ɑ bɑɑdommɑ.

⁶ Yinni Gusunɔ, nɑ nun kɑnɑmɔ, ɑ wunɛn durom kɑ wunɛn wɔnwɔndu yɑɑyo, ye ɑ mɑn sɔ̃ɔsi yellun di.

⁷ A ku mɑɑ yɑɑyɑ durum ye nɑ kuɑ nɛn ɑluwɑɑsiru sɔɔ. A ku nɛn mɛm nɔɔbu sɑriru mɛɛri. A mɑn yɑɑyo wunɛn wɔnwɔndu kɑ wunɛn tɔn ɡeerun sɔ̃.

⁸ Yinni Gusunɔ, ɑ sɑ̃ɑwɑ tɔn ɡeo. A mɑɑ sɑ̃ɑwɑ ɡemɡii. A rɑ durumɡii swɑɑ ɡeɑ sɔ̃ɔsi.

⁹ A rɑ be bɑ tii kɑwe swɑɑ ɡeɑ sɔ̃ɔsi, kpɑ ɑ bu kpɑrɑ ye sɔɔ.

¹⁰ Domi be bɑ wunɛn ɑrukɑwɑni nɛni, mɑ bɑ wunɛn woodɑbɑ swĩi, ɑ bu kĩ, ɑ mɑɑ sɑ̃ɑ nɑɑnɛɡii ben mi.

¹¹ Yinni, wunɛn yĩsirun sɔ̃, ɑ nɛn durum wɔko domi yɑ kpɑ̃.

¹² Nɑ yɛ̃ mɑ wi u nun nɑsie, wiyɑ ɑ rɑ swɑɑ sɔ̃ɔsi ye u koo kpe.

¹³ Wiyɑ u ko n wɑ̃ɑ bɔri yɛndu sɔɔ. Win bweserɑ tɑ koo tem mɛ tubi di.

¹⁴ Yinni Gusunɔ, wi u nun nɑsie, wiyɑ ɑ rɑ wunɛn ɑsiri sɔ̃. Wiyɑ ɑ rɑ wunɛn ɑrukɑwɑnin woodɑbɑ ɡiɑsie.

¹⁵ Nɑ yɛ̃ mɑ wunɑ ɑ rɑ nɛn nɑɑsu yɑre sɑɑ yinɑn di. Yen sɔ̃nɑ ko nɑ n nun mɛɛrɑ bɑɑdommɑ.

¹⁶ Yinni Gusunɔ, ɑ nɛn wɔnwɔndu wɑɑwo. Wee, bɑ mɑn deri, nɑ wɑ̃ɑ nuku sɑnkirɑnu sɔɔ.

¹⁷ A mɑn tu wunɔ. A mɑn yɑro nɔni swɑ̃ɑrun di.

¹⁸ A nɛn wɑhɑlɑ mɛɛrio. Wee, nɑ wɔnwɔndu soore. A nɛn durum wɔko.

¹⁹ A mɛɛrio nɡe mɛ nɛn yibɛrɛbɑ bɑ dɑbi, bɑ mɑn tusɑ bɑ kɔ̃ruɑ.

²⁰ A mɑn wɔro, ɑ mɑn kɔ̃suo. A ku de n sekuru wɑ domi nɑ kukuɑ wunɛn mi.

²¹ A mɑn somiɔ nɑ n kɑ dɛɛre. A mɑn somiɔ nɑ n kɑ wɑ̃ɑ ɡem sɔɔ. Wunɑ nɑ nɑɑnɛ sɑ̃ɑ, kɑɑ mɑn kɔ̃su.

²² Gusunɔ, ɑ wunɛn tɔmbu Isirelibɑ yɑro ben nɔni swɑ̃ɑru kpuron di.