Womusu 150 - Bibeli Gusunɔn Gari

¹ I Yinni Gusunɔ siɑro. I nùn siɑro win sɑ̃ɑ yerɔ. I nùn bɛɛrɛ wɛ̃ɛyɔ bɑtumɑ mi win yiiko yɑ sɔ̃ɔsirɑmɔ.

² I nùn siɑro win sɔm mɑɑmɑɑkiɡii ni u kuɑn sɔ̃. I nùn bɛɛrɛ wɛ̃ɛyɔ nɡe mɛ win kpɑ̃ɑrɑ nɛ.

³ I nùn siɑro kɑ kɔbi. I nùn siɑro kɑ mɔrɔkunu kɑ ɡɔ̃ɔɡenu.

⁴ I nùn siɑro kɑ bɑrɑnu kɑ yɑɑbu. I nùn siɑro kɑ mɔrɔkunu kɑ koronu.

⁵ I nùn siɑro kɑ sɛkɛtirɛ ni nu som do.

⁶ Hunde koni bɑɑyere ye yɑ ɡesi wɛ̃siɑmɔ, yu Yinni Gusunɔ siɑro. I Yinni Gusunɔ siɑro.