Womusu 137 - Bibeli Gusunɔn Gari

¹ Sɑ sɔ̃wɑ Bɑbilonin dɑɑrun ɡoorɔ mɑ sɑ sumɔ sɑ kɑ Siɔni yɑɑyɑmɔ.

² Sɑ bɛsɛn mɔrɔkunu bwɛ̃ dɑ̃ɑɔ.

³ Be bɑ sun tɑbu di bɑ nɛɛ, su womu koowo. Be bɑ sun dɑm dɔremɔ bɑ nɛɛ, su Siɔnin womusu ko kɑ nuku dobu.

⁴ Adɑmɑ ɑmɔnɑ sɑ ko kpĩ su Yinni Gusunɔ womusu kuɑ tem tukumɔ.

⁵ Yerusɑlɛmu, nɑ̀ n nun duɑri, nɛn nɔm ɡeu ɡu ɡbio.

⁶ Nɑ̀ kun nun yɑɑye kpɑ ɑ n sɑ̃ɑ nɛn nuku dobun nuuru, nɛn yɑrɑ yu nɛn dɑro mɑniɔ.

⁷ Yinni Gusunɔ, ɑ de ɑ Edɔmubɑn ɡɑri yɑɑyɑ yi bɑ ɡeruɑ sɑnɑm mɛ bɑ Yerusɑlɛmu kɑm koosiɑmɔ bɑ nɛɛ, bu ye kɛro mɑm mɑm sere kɑ yen kpɛɛkpɛɛkuɔ.

⁸ Bɑbiloniɡibu, i sɑ̃ɑwɑ be bɑ koo kɑm koosiɑ. Doo nɔɔruɡiiwɑ wi u koo bɛɛ kɔ̃sɑ yèn bweseru i rɑɑ sun kuɑ kɔsie.

⁹ Doo nɔɔruɡiiwɑ wi u koo bɛɛn bibu sɛ̃re u kɔsuku kperu wɔllɔ.