Womusu 12 - Bibeli Gusunɔn Gari

¹ Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.

² Yinni Gusunɔ, ɑ nɑ ɑ sun fɑɑbɑ ko. Wee ɡemɡibɑ doonɑ. Nɑɑnɛɡii ɡoo mɑɑ sɑri hɑnduniɑ sɔɔ.

³ Weesɑ bɑɑwure u rɑ n win winsim kuɑmmɛ, u n nùn nɔni wɔ̃kumɔ kɑ ɡɑri dori.

⁴ Yinni Gusunɔ, ɑ be bɑ tɔmbu fufu mɔ̀n nɔsu kɔruo. A be bɑ ɡɑri ɡerumɔ kɑ tii suɑbu mɑrisio.

⁵ Domi bɑ ɡerumɔ bɑ mɔ̀, bɑ rɑ wɑ ye bɑ kĩ ben nɔɔ dobun sɑɑbu, bɑ ɡɑri ɡerubu yɛ̃, bɑ ǹ ɡoon bɛrum mɔ.

⁶ Adɑmɑ Yinni Gusunɔ, ɑ nɛɛ, ɑ wɔnwɔndo be bɑ dɑm dɔremɔ wɑɑmɔ. A sɑ̃ɑro be bɑ weeweenu mɔ̀ wɑɑmɔ. A be bɑ yɑ̃ɑtɑm siemɔ wɑɑmɔ. Tɛ̃, kɑɑ se ɑ be kpuro fɑɑbɑ ko.

⁷ Yinni Gusunɔ, wunɛn ɡɑri yi dɛɛrewɑ. Yi sɑ̃ɑwɑ nɡe sii ɡee si bɑ sɔwɑ nɔn nɔɔbɑ yiru. Yinni Gusunɔ, nɑ yi nɑɑnɛ sɑ̃ɑ.

^8-9 Wee tɔn kɔ̃sobu bɑ wɑ̃ɑ yɑm kpuro. Mɑ tɔmbɑ sɑnkirɑmɔ bɑ dɔɔ. Yinni Gusunɔ, ɑ sun kɔ̃suo. A sun ɡbɑro ben nɔmɑn di.