Womusu 113 - Bibeli Gusunɔn Gari

¹ I Yinni Gusunɔ siɑro. Bɛɛ win sɔm kowobu, i nùn siɑro.

² Su win yĩsiru bɛɛrɛ wɛ̃ sɑɑ tɛ̃n di sere kɑ bɑɑdommɑɔ.

³ Su nùn siɑrɑ sɑɑ bururun di sere kɑ yokɑɔ.

⁴ Yinni Gusunɔwɑ u bwesenu kpuro kere. Win yiiko yɑ wɑ̃ɑ sere wɔnwɔlleɔ.

⁵ Gusunɔ bɛsɛn Yinnin wɑ̃ɑ yerɑ wɑ̃ɑ wɔllɔ. Wɑrɑ u kɑ nùn weenɛ.

⁶ U rɑ tukewɑ u kɑ wɔllu kɑ tem mɛɛri.

⁷ U rɑ dɑm sɑriruɡii seeye tem di, kpɑ u wɔnwɔndo seeyɑ kubɑnun di.

⁸ Kpɑ u de bu sinɑ kɑ win tɔmbun wiruɡibu.

⁹ U rɑ wĩro yɛnu bɑniɛ u sinɑ, kpɑ u nùn ko bii mɛro wi u nuku dobu mɔ win bibun suunu sɔɔ. Yen sɔ̃, i Yinni Gusunɔ siɑro.