Esɑi 63 - Bibeli Gusunɔn Gari

Yinni Gusunɔ u nɑsɑrɑ wɑ hɑnduniɑ kpuro sɔɔ

¹ Wɑrɑ u wee Botisirɑn di ye yɑ wɑ̃ɑ Edɔmun temɔ, u yɑbe swɑ̃ɑru sebuɑ kom kom. Mɑ u sĩimɔ kɑ win dɑm kpuro, kɑ toro sindu. Yinni Gusunɔ u nɛɛ, nɛnɑ nɑ wee n kɑ siri dee dee. Nɑ dɑm mɔ n kɑ nɛn tɔmbu fɑɑbɑ ko.

² Mbɑn sɔ̃nɑ wunɛn yɑ̃nu nu sɔ̃ri nɡe wi u resɛm ɡɑmɑmɔ.

³ U wisɑ u nɛɛ, nɛ turowɑ nɑ dɑ nɑ tɔmbu tɑɑkɑ nɡe resɛm. Bwesenu kpuro sɔɔ, bɑɑ tɔn turo u ǹ nɛ u mɑn somi. Nɑ bu tɑɑkɑ nɑ kɔsukɑ kɑ mɔru, sere ben yɛm mu nɛn yɑ̃nu wisi nu disinu kuɑ.

⁴ Domi nɑ ɡɔ̃ru doke n kɑ mɔru kɔsiɑ. Tɔ̃rɑ mɑɑ turɑ n kɑ nɛn tɔmbu yɑkiɑ.

⁵ Nɑ mɛɛrɑ mɛɛrɑ nɑ biti soorɑ. Nɑ ǹ wɑ wi u koo mɑn somi. Goo sɑri wi u koo mɑn dɑm kɛ̃. Adɑmɑ nɛn mɔru yɑ mɑn dɑm sosiɑ nɑ kɑ nɑsɑrɑ wɑ.

⁶ Wee, nɑ tɔmbu tɑɑkɑ kɑ mɔru. Bɑ burisinɑ nɡe tɑm nɔrobu nɛn mɔrun sɔ̃. Mɑ nɑ ben yɛm yɑri temɔ.

Yinni Gusunɔ u Isirelibɑ durom kuɑ

⁷ Kon Yinni Gusunɔn durom mɛ u sun kuɑ kpɑrɑ, kpɑ n nùn tɔmɑ ye u sun kuɑn sɔ̃. Kon win tɔn ɡeerun ɡɑri ɡere te u bɛsɛ Isirelibɑ sɔ̃ɔsi win wɔnwɔndu kɑ win kĩi bɑkɑrun sɑɑbu.

⁸ U bwisikɑ u nɛɛ, sɑ sɑ̃ɑwɑ win tɔmbu, sɑ ǹ nùn tɔnu kɑndu kuɑmmɛ. Yen sɔ̃nɑ u sun fɑɑbɑ kuɑ.

⁹ Bɛsɛn wɑhɑlɑ kpuro sɔɔ, u sun somi. N ǹ mɔ win ɡɔrɑdo u sun fɑɑbɑ kuɑ, win tiiwɑ u sun yɑkiɑ win kĩru kɑ win wɔnwɔndun sɔ̃. Mɑ u sun nɔɔri sɑɑ yellun di.

¹⁰ Adɑmɑ sɑ nùn seesi sɑ win Hunde nuki sɑnkɑ. Yen sɔ̃nɑ u kuɑ bɛsɛn yibɛrɛ mɑ u kɑ sun tɑbu kuɑ.

¹¹ Mɑ sɑ Mɔwisin wɑɑti yɑɑyɑ sɑ nɛɛ, mɑnɑ Yinni Gusunɔ u wɑ̃ɑ wi u kɑ bɛsɛ kɑ bɛsɛn wiruɡibu nim wɔ̃ku tɔburɑ. Mɑnɑ u wɑ̃ɑ, wi u derɑ win Hunde Dɛɛro u wɑ̃ɑ bɛsɛn suunu sɔɔ.

¹² Mɑ u Mɔwisi kpɑrɑ kɑ win dɑm bɑkɑm. U nim burɑnɑ bɛsɛn wuswɑɑɔ u n kɑ yĩsi bɛɛrɛɡiru yɑrɑ sere kɑ bɑɑdommɑɔ.

¹³ U sun kpɑrɑ nim bweru sɔɔ. Mɑ sɑ sĩɑ ɡbɑburɔ nɡe dumi yi yi duki mɔ̀, sɑ ǹ sokure.

¹⁴ Win Hunde u kɑ sun dɑ sɑ wɛ̃rɑ nɡe mɛ yɑ̃ɑ kpɑro u rɑ kɑ win yɑɑ sɑbenu de wɔwɑɔ. Nɡe mɛyɑ u sun kpɑrɑ u kɑ yĩsi bɛɛrɛɡiru yɑrɑ.

Isirelibɑ bɑ Gusunɔ wɔnwɔndu kɑ somiru kɑnɑmɔ

¹⁵ Yinni Gusunɔ, ɑ mɛɛrimɑ sɑɑ wɔllun di mi wunɛn wɑ̃ɑ yee dɛɛrɑru kɑ yiikoɡirɑ wɑ̃ɑ, kpɑ ɑ wɑ ye yɑ sun mɔ̀. Mɑnɑ wunɛn hɑniɑ kɑ wunɛn dɑm mu wɑ̃ɑ. Wee ɑ sun wunɛn kĩru kɑ wunɛn wɔnwɔndu wunɑri.

¹⁶ Adɑmɑ wunɑ ɑ sɑ̃ɑ bɛsɛn bɑɑbɑ. Bɛsɛn yĩiyɔbu kun mɑɑ wɑ̃ɑ bɛsɛn sikɑdobɑ sɔɔ. Bɑɑ Aburɑhɑmu kɑ Isireli bɑ̀ kun sun wure, Yinni Gusunɔ, wunɑ ɑ sɑ̃ɑ bɛsɛn bɑɑbɑ, wunɛ wi ɑ sun fɑɑbɑ kuɑ sɑɑ yellun di.

¹⁷ Yinni Gusunɔ, mbɑn sɔ̃nɑ ɑ derɑ sɑ kɑ wunɛn swɛɛ tondɑ, mɑ bɛsɛn ɡɔ̃rusu bɔbiɑ, sɑ ǹ mɑɑ nun nɑsie. A wurɑmɑ bɛsɛn kĩrun sɔ̃ bɛsɛ be sɑ nun sɑ̃ɑmɔ. Sɑ sɑ̃ɑwɑ wunɛɡibu sɑɑ yellun di.

¹⁸ Wee, sɑɑ fiiko tɔnɑwɑ bɛsɛ wunɛn tɔn be ɑ ɡɔsɑ, sɑ sinɑ tem mɛ sɔɔ. Mɑ bɛsɛn yibɛrɛbɑ bɑ wunɛn sɑ̃ɑ yeru wɔri bɑ kɔsukɑ.

¹⁹ Wee yɑ tɛ, mìn di sɑ sɑ̃ɑ nɡe be ɑ ǹ kpɑre, kɑ be bɑ ǹ wunɛn yĩsiru sɔɔwɑ. Yinni Gusunɔ, sɑ nun mɑrɑ ɑ wɔllu ɡĩɑ kpɑ ɑ sɑrɑmɑ. À n tunumɑ, ɡuunu nu koo diiri bɛrum sɔ̃.