Leviticus 17 - Seqa Full Bible

Kasi oyke madaka

¹ Iaova savoy te kue Mosese,

² Soynani Eroni no oyra toytu lieke no oyra boysi ni Izireli: Goyti pita Iaova sa voytuni:

³ Ka boysi ni Izireli sa vavakatua kieke bulumakao, kieke lami ba kieke qoti te luboroa ba te paqarania ngoyni ka kue

⁴ ba kama iro me vo te ngoyni ka puka tae te toypaka variere me kea sa seva kieke keke te kue Iaova, boysi ta sa zaqala te tamana; oye sa vajele uleme madaka no me vaikudoko moyna to te kue oyra ona boysi.

⁵ Zozoa tamana goyti ne, voy oyra boysi ni Izireli mara iro me te kue Iaova oyra vavakatu oyra ka joyjuni te paqarani sinani. Oyra mara iro moyna me to te kue boysi sisiama, ta ne, te kue Iaova, te ngoyni ka puka tae te toypaka variere no me vavakatua sa seva vavakatu arakitaki.

⁶ Boysi sisiama me repeni madaka te sara barasi taboyna te Iaova te ngoyni ka puka tae te toypaka variere no me noyko voae sa seva kieke pita nanabu noyi me kema ni Iaova.

⁷ Oyra kasi doyra kea kieke menea doyra vavakatu te kue ka bangara vele, bati sada oyra ka vavakatu te kue ka bangara vele ne ka seva kieke quolekutae sa vakapoymo kieke liekekutae veke. Goyti tamana me kuo sua te kue oyra no te kue oyra sapokoa doyra aba ka la kuo me soy.

⁸ Soynani oyra: Ka boysi ni Izireli ba ka boysi kuokapa sa me kuo una oyra sa kea kieke vavakatu katunuro ba vavakatu

⁹ no kama iro me vo te ngoyni ka puka tae te toypaka variere me vavakatu te kue Iaova, boysi ta me vaikuodoko moyna to te kue oyra ona boysi.

¹⁰ Ka boysi ni Izireli ba ka boysi kuokapa sa kuo koype ram sa oyke ka zio sa kue madaka, Aro me vititotaka ni boysi sa oyke zio sa kue madaka no aro me vavaikuodoko oye te kue oyra ona boysi.

¹¹ Bati tu te susupae pita ka tu sa kuo te madakae doyra, no Aro ko kea madaka me sivere noypo zaqala te tanamina te sara barasi taboyna, ta sa madaka me sivere zaqala te menemenea boysi.

¹² Savoy ta si Aro ko voy te kue oyra boysi ni Izireli, kareo ne to kieke te ram me oyke madaka, moyna kieke boysi kuokapa sa kuo koype ram kasi vo oyke madaka.

¹³ Ka boysi ni Izireli ba boysi kuokapa sa kuo koype ram sa sareke ka pitaperu ba roroko voy mara oyke ne mara vajele sia madakae no mara sapini ni lua,

¹⁴ bati tu te susupae pita ka tu sa kuo te madakae doyra. Ta savoy soy oye Aro ko voy te kue oyra boysi ni Izireli, ram moyna to kam oyke madakae ka pita tu, bati doyra tu oyra pita ka tu sa kuo te madakae doyra; ka boysi sa oyke madaka ne me vaikuodoko moyna to te kue oyra ona boysi.

¹⁵ Moyna boysi ni Izireli ba boysi kuokapa, sa oyke ka pita sa lie ba sa voyevale pita peru ne me tobo moyna to ona bubute no me sieqe te bi, no oye kama dalo vo me doka te vilu; sinani oye me dalo.

¹⁶ Ba sada oye kama tobo vo ona bubute no kama sieqe noypo vo tani, oye me pale noypo to tani taka.