Matiu 1 - Ata New Testament

Ualaualasi'a ta'ilusunu Iesua Kalaisiti

¹ Ioxe, ano'o nanasou Iesua Kalaisiti. Iesua anu ilusunu Teviti xe Teviti anu ilusunu Apala'amu.

² Apala'amu muxalixu Aisaki. La Aisaki muxalixu Iakovo. La Iakovo muxalixu Iuta xe tavimo­vimou se'ila.

³ Iuta muxalixu Pelesi xe Sela. Ilou ne neni'a Tamali. La Pelesi muxalixu Esiloni. La Esiloni muxalixu Lamu.

⁴ Lamu muxalixu Amina­tapu. La Aminatapu muxa­lixu Nasoni. La Nasoni muxalixu Salimoni.

⁵ Salimoni muxalixu Voasi. Nenu ne La'apu. La Voasi muxalixu Oveti. Nenu ne Luti. La Oveti muxalixu Iesi.

⁶ Iesi muxalixu kingi Teviti. Teviti muxalixu Solomoni. Solomoni nenu e mitaula'i tei noxou Iulaia.

⁷ Solomoni muxalixu Leavoamu. La Leavoamu muxalixu Avia. La Avia muxalixu Asa.

⁸ Asa muxa­lixu Ieosapati. La Ieosapati muxa­lixu Iolamu. La Iolamu muxalixu Usaia.

⁹ Usaia muxalixu Iotamu. La Iotamu muxalixu A'asi. La A'asi muxalixu Esekaia.

¹⁰ Ese­kaia muxalixu Manase. La Manase muxalixu Amoni. La Amoni muxalixu Iosaia.

¹¹ Iosaia muxalixa'a Iekonaia oli'a tavimo­vimou tamulu. No voxo ne Tavaviloni miua'ulixa'a Ta'isilaeli no anu oto mo milaixi'a so ikalavusu no xale lia noxi'a.

¹² Ioxe, mikalavusu ne Vaviloni xe ili'i la Iekonaia muxalixu Sealitieli. La Sealitieli muxalixu Seluvaveli.

¹³ Seluvaveli muxa­lixu Aviuti. La Aviuti muxalixu Eliakimi. La Eliakimi muxalixu Asoli.

¹⁴ Asoli muxalixu Satoki. La Satoki muxalixu Akimi. La Akimi muxalixu Eliuti.

¹⁵ Eliuti muxa­lixu Eleasali. La Eleasali muxalixu Matani. La Matani muxalixu Iakovo.

¹⁶ La Iakovo muxalixu Iosepu e Malia mulue. Ioxe, Malia ne mivo'onu ilie Iesua. Iesua ne tamitema ilemolu lexe Kalaisiti xo anu Itema so pamauli e Mosinge musoso­vosou.

¹⁷ Laso musoko'u noxou Apa­la'amu xe mulu'e muxali noxou Teviti la lasilili 14. Xe musoko'u noxou Teviti mulu'e muxali no voxo loxo Ta'isilaeli mikalavusu ne Vaviloni la lasilili 14-la. Xe musoko'u no voxo mikalavusu xe mulu'e muxali no voxo loxo anu ane so Kalaisiti muxali la lasilili 14 kalumola.

Malia mivo'onu ilie Iesua Kalaisiti

¹⁸ Ano'o a'alosou Iesua Kalaisiti lexe muvo'o axova. Nenu ualasie lexe Malia ne ane'i misosovosie so itaula'ixu Iosepu. La ilou ixolu ipita uao ia Malia opone xo Ulenu Laixe molu muxalixu mi ne.

¹⁹ La itema e so mulue Iosepu ne mulavu lexe ane opone laso muxavutala lexe ilou itaula'i uasi. Ia anu ilixo noxou ulapu mo umasaxau so ulosie maila uasi. Laso anu mu'oxo lexe ulemolu mi ne noxi'a tamitema latala uasi, upilixine se'isisi.

²⁰ La Iosepu oponu utulu axonesi, xo la muai musaxi la angelou Tatananenge mupa noxou mo muvikalanu lexe, “Iosepu ilusunu Tevitio. Nano'e Malia so ngolou ngaxolu loxo semameni, na'ume uasi. Xo anu ane uxolu no opone ne anu molu noxou Ulenu Laixesi.

²¹ La ane ivo'onu ilie mulu la nini namoxo'u lexe Iesua, xo anu ane so upamauline'i tamitemaou no anu susu noxi'a.”

²² Mimi anene nene'axu vaika­laou Tatananenge e mule­molu noxou polopetiou tatei aloxo 'o.

²³ “Vua­nga vile ane ilai noxou mulu vile uasi la opone. Opone la ivo'onu ilie mulu la tamitema imoxo'u lexe Imanueli.” Uala ne laxu lexe Mosinge a uxolu noxinge 'o.

²⁴ Xe Iosepu mutulu laso mumu­linu vaikalaou angelou Tatana­nenge ne. La muno'e Malia so semau mo ilou mixolu.

²⁵ Ia ilou iai uasi, mixolusi. Mixolu xo mo mivo'onu ilie ne la Iosepu mumoxo'u ualasou lexe Iesua.