San Mateu 22 - EL Evangelio Segun San Mateo 1861

CAP. XXII.

¹ ENTANTO Xesús, siguiendo la platiga, falóyos utra vez per eomparances, diciendo:

² El reinu de los cielos aseméyase á un home rei, que fexo les bodes del so fiu.

³ Y unvió sos criáos á llamar los convidáos á les bodes, mas istos non quixeron dir.

⁴ Tomó á unviar utros criáos, mandándoyos dicer á los convidáos: Tengo ya aviáa la comía, fexe matar les fenoyes y utros animales cebáos, y tóo ’stá aperiáo: veníi á les bodes.

⁵ Mas illos non fexeron casu: sinon q’ el un coló pa la so quinta, y lʼ utru á lo’ sos faceres:

⁶ Los demás agarraron á los criáos, y dempués d’ ensandecélos, matáronlos.

⁷ Desque lo sepo ’l rei, enritóse: y unviando sos tropes, peracabó con aquellos asesinos, y amburó so ciodá.

⁸ Entós dixo á sos criáos: Les coses pa les bodes están aperiáes, mas los convidáos non merecín venir á illes:

⁹ Dii pe’ lo mesmo á les boques de los caminos, y convidái á les bodes á cuantos afalléis.

¹⁰ Colaron nel intre los criáos á los caminos, y allugaron cuantos afallaron lo mesmo malos que bonos: per manera que les meses de la boda ’staben apetiguñáes de xente.

¹¹ Vieno ver dempués el rei los convidáos, y arreparó á un home que non diba vestíu co’ la ropa de boda.

¹² Y díxoi: Amigu, ¿como te ’smuciste aquí en sin el vestíu de boda? Pero elli non gurgutó palabra.

¹³ Entós dixo ’l rei á lo’ sos ministriles de xosticia: Amarráu de piés y manes, empovináilu nes tiniebles d’ afora: ú non habrá mas que llantu, y ruquíu de dientes.

¹⁴ Tanta verdá ye que son munchos los llamáos, y pocos los escoyíos.

¹⁵ Entós los fariseos esnidiáronse d’ allí pa pescudar ente sí como podrín atrapálu en dalguna cosa que falás.

¹⁶ Y al efetu unviaron-i sos descípulos con dalgunos herodianos, que i dixeron: A Maestru, sabemos que dices les verdáes, y q’ ensiñes el camin ó la llei de Dios segun la verdá pura, sin que te dé mas per naide: porque tu non faes casu del calter de les persones:

¹⁷ Agora bien, dímos que te paréz d’ isto: ¿Ello ye ó non ye llícito á lo’ xudíos, pueblu de Dios, pagar tributu al César?

¹⁸ Conociendo Xesús so picardía, arrespuendió: ¿Por qué me tientáis, falseros?

¹⁹ Dá ’cá una monéa de les del censu. Illos entós ufrieron-i un dineru.

²⁰ Y díxoyos Xesús: ¿De quién ye aquista imáxen, y aquisti ’scritu?

²¹ Arrespuendieron-i: Del César. Entós arreplicóyos: Pos dái al César lo que ye del César, y a Dios lo que ye de Dios.

²² Y al oyélo quedaron ablucáos, y dexándolu ’smuciéronse.

²³ Nel mesmu dia vinieron lo’ saduceos, que neguen la resurecion, y entrugaron-i:

²⁴ A Maestru, disponxo Moisés que si muerre dalgun sin fios, se xuna ’l so hermanu co’ la so muyer, pa dexar raza al so hermanu.

²⁵ Pos bien: vivín siete hermanos metanes de nosotros. Xuníu ’l primeru, morrió, y como non tuviés fios, dexó la muyer al so hermanu.

²⁶ Acaeció lo mesmo al segundu, y al terceru, fasta ’l sétimu.

²⁷ Y á la postre morrió tamien la muyer.

²⁸ El casu ye isti, cuando resusciten, ¿de quién d’ illos ha ser la muyer, si fo de tóos?

²⁹ A isto arrespuendióyos Xesús: Muncho disparatáis, per non entender les Escritures, nin el poderíu de Dios.

³⁰ Pos dempués de la resurecion nin los homes ternán muveres, nin les muyeres ternán homes: sinon q’ han ser lo mesmo que los anxelinos de Dios nel cielu.

³¹ Mas tocante á la resurecion de los mortos ¿non leyesteis lo que vos dixo Dios:

³² Yo só ’l Dios d’ Abran, el Dios d’ Isá, y ’l Dios de Xacó? Pos Dios non ye Dios de mortos, sinon de vivos.

³³ Y desque lo oyó la xente, quedó atochecía con so dotrina.

³⁴ Pero los fariseos, sabiendo q’ habia tapáo la boca á lo’ saduceos, ponxéronse de mancomun:

³⁵ Y un d’ illos, dotor de la llei, entrugói, náa mas que pa tientálu:

³⁶ A Maestru, ¿cuál ye ’l mandamientu meyor de la llei?

³⁷ Arrespuendiói Xesús: Amarás al Señor to Dios con tóu to corazon, y con tóa to alma, y con tóes tos mientes.

³⁸ Aquisti ye ’l mandamientu meyor y ’l primeru.

³⁹ El segundu aseméyase á isti, y ye: Amarás á to próximu como á te mesmu.

⁴⁰ ’N istos dos mandamientos está la sostancia tóa de la llei y los profetas.

⁴¹ Y ’stando aquí axuntáos los fariseos, entrugóyos Xesús:

⁴² ¿Que vos paréz á vosotros del Cristu ó Mesíes? ¿de quién ye fiu? Dicin-i: de Daví.

⁴³ Arreplicóyos: ¿Entós como Daví en espritu de profeta lu llama so Señor, cuando diz:

⁴⁴ Dixo ’l Señor á mió Señor: Asiéntate á mió derecha, dun yo pono á tos enemigos per sitial de los tos piés?

⁴⁵ Pos si Daví lu llama so Señor, ¿como dicís que ye so fiu?

⁴⁶ Y naide fo capaz d’ arrespuendéi palabra: nin de magar acaeció isto s’atrevió dalgun á entrugái mas coses.