San Mateu 2 - EL Evangelio Segun San Mateo 1861

CAP. II.

¹ Y DESQUE nació Xesús en Belen de Xudá reinando Heróes, cata ’quí q’ unos magos vinieron del oriente á Xerusalen,

² Entrugando: ¿Ú ’stá ’l nacíu rei de lo’ xudíos? porque nosotros avistámos nel oriente la so ’strella, y veniemos adorálu.

³ Al oyer isto ’l rei Heróes, quedóse ablucáu, y lo mesmo tóa Xerusalen.

⁴ Y axuntando tóos los príncepes de lo’ sacerdotes, y á los escribas del pueblu, entrugábayos ú naceria ’l Cristu ó Mesíes.

⁵ A lo que arrespuendieron-i illos: En Belen de Xudá: q’ ansina dexó ’scrito ’l profeta:

⁶ Y tu Belen tierra de Xudá, miániques que non yes la mas pequeña de les ciodáes princepales de Xudá: pos tu yes el llugar onde ha salir el caudiellu, que rixa ’l mió pueblu d’ Israel.

⁷ Entós Heróes llamando pasiquin á los magos pescudó d’ illos con cuidáu ’l tiempu ’n que se yos apareció la ’strella:

⁸ Y enveredándolos pa Belen, díxoyos: Dii, y pescudái bien lo q’ hai d’ isi neñu: y dempués que lu afalléis, avisáime á min, pa dir yo tamien adorálu.

⁹ Lluego q’ oyeron isto al rei, colaron: y cata ’quí que la ’strella, q’ habín avistáo nel oriente, diba afalándolos, fasta q’ allugando so ’l sitiu ú ’staba ’l niñin, aparóse.

¹⁰ Al acolumbrar la’ strella fuelgáronse perdafecho.

¹¹ Y enfilándose na casa, afallaron al niñin con María so ma, y afincándose de xinoyos adoráronlu, y destapáos sos cofres, ufrieron-i presentes d’ oru, inciensu y mirra.

¹² Y arrecibiendo en sueños un avisu del cielu pa que non tornasen pa Heróes, entamaron pa so tierra per utru camin.

¹³ Desq’ illos colaron, un ánxel del Señor apareció en sueños á Xosé diciéndoi: írguite, agarra ’l niñin, y á so ma, y fuxe al Exitu, y ’státe allí fasta que yo t’avise. Porq’ Heróes ha buscar al niñin pa matálu.

¹⁴ Irguiéndose Xosé agarró al niñin y a so ma de noche: y fose pa Exitu,

¹⁵ Ú ’stevo fasta que morrió Heróes; y ansina se complió lo que dixo ’l Señor pe’ la boca del profeta: Yo llamé d’ Exitu al mió fiu.

¹⁶ Entanto Heróes viéndose burláu de los magos, perenritóse, y mandó matar á tóos los niñinos, q’ habia en Belen, y en tóu ’l so cotarru, de dos años abaxo, segun el tiempu de l’ aparecimientu de la ’strella q’ habia pescudáo de los magos.

¹⁷ Entós vióse complío lo que dixo ’l profeta Xeremíes diciendo:

¹⁸ Fasta en Ramá s’ oyeron les voces, munchos lloros y allaríos: Ye Raquel que llora lo’ sos fiinos, sin querer aconsoláse, porque ya non viven.

¹⁹ Lluego dempués de la morte d’ Heróes, un ánxel del Señor apareció en sueños a Xosé ’n Exitu,

²⁰ Diciéndoi: Írguite, y agarra ’l niñin, y á so ma, y entama pa la tierra d’ Israel: porque ya morrieron los que querín fer morrer al niñin.

²¹ Xosé irguiéndose, agarró ’l niñin, y á so ma, y vieno pa la tierra d’ Israel.

²² Mas oyendo q’ Arquelau reinaba en Xudea en vez de so pá Heróes, escociói dir allá: y avisáu en sueños, fose á la tierra de Galilea.

²³ Y vieno vivir ’n una ciodá llamáa Nazaré: compliéndose ansina ’l dichu de los profetas: Llama-ránlu Nazarenu.