San Mateu 13 - EL Evangelio Segun San Mateo 1861

CAP. XIII.

¹ ’N AQUEL dia saliendó Xesús de casa, fo y asentóse á la vera de la mar.

² Y apetiguñóse al redor d’ elli un xentíu tan grande, que tevo q’ enfiláse ’n una barca y asentáse ’n illa: y tóa la xente ’staba á la vera:

³ Y falóyos de munches coses per comparances, diciendo: Una vez salió un semador á semar.

⁴ Y al tirar los granos, dalgunos cayeron cabu ’l camin, y vinieron los páxaros del cielo, y comiéronlos.

⁵ Utros cayeron en pedregales, ú habia poca tierra: y nel intre nacieron, per estar mui someros en ’a tierra:

⁶ Mas desque salió ’l sol amustiáronse: y como cuasi non tenín raíces, secaron.

⁷ Utros granos cayeron metanes d’ espines, y crecieron les espines, y aforfugáronlos.

⁸ En fiu utros cayeron en tierra bona, y dieron frutu, isti cientu, aquelli sesenta, y ’l utru trenta.

⁹ El que tena oíos pa ’tolenar, atolene.

¹⁰ Allugándose dempués loʼ sos descípulos entrugaben-i: ¿Como ye que yos fales per eomparances?

¹¹ Elli arrespuendióyos: Porq’ á vosotros fo dáu ’l privillexu de conocer los misterios del reinu de los cielos: pero non se yos dió á illos.

¹² Pos ye cierto q’ al que tien lo que debe tener, darásei entovía mas, y terná abondo: mas al que non tien lo que debe tener, quitarán-i tamien lo que tien.

¹³ Per iso yos falo per eomparances: porq’ illos viendo non miren non consideren, y oyendo no atolenen, nin entienden.

¹⁴ Con lo que vien á compliése la profecía d’ Isaíes que diz: Oyeréis con vuestros oíos, y non entenderéis: y per mas que miréis con vuestros güeyos, non veréis.

¹⁵ Porq’ encodó ’l corazon d’ isti pueblu, y ciarró sos oíos, y atapó sos güeyos: per non ver con illos, nin oyer co’ los oíos, nin entender col corazon, per miéu de que, convirtiéndose, i dé yo la salú.

¹⁶ Biéuaya vuestros güeyos porque ven, y biénaya vuestros oíos porq’ oyen.

¹⁷ Pos dígovos miániques, que munchos profetas y xustos nagüaron per ver lo que vosotros estáis viendo, y non lo vieron; y oyer lo q’ oyéis, y non lo oyeron.

¹⁸ Ascuchái agora la comparanza del semador.

¹⁹ Tóu ’l q’ oye la palabra del reinu de Dios ó del evanxeliu, y non apara ’n ella so atencion, vien el mal espritu y arrabaña tóo aquello que s’ habia semáo en so corazon: isti ye ’l q’ está semáu cabu ’l camin.

²⁰ El semáu en tierra pedregosa, ye aquel q’ oye la palabra de Dios, y pel prontu arrecíbela con gozu:

²¹ Mas non tien adientro raíz, sinon que dura poco: y desque vien so elli la tribulacion y persecucion per morde de la palabra ó del evanxeliu, escandalízase nel intre.

²² El semáu metanes les espines, ye ’l q’ oye la palabra de Dios, mas le’ xigomences d’ isti siglu y ’l arrullu de les riqueces, aforfúguenla, y queda en sin frutu.

²³ Al revés, el semáu en tierra bona, ye ’l q’ oye la palabra de Dios, y la entiende, y prodúz frutu, parte cientu per un, parte sesenta, y parte trenta.

²⁴ Pónxoyos utra comparanza, diciendo: El reinu de los cielos aseméyase á un home, que semó bona sementera en so campu:

²⁵ Pero al tiempu de dormir los homes, vieno un enemigu suyu, y semó avena metanes del trigu, y ’smucióse.

²⁶ Desque medró ’l trigu, y apuntó á granar, apaeció tamien l’ avena.

²⁷ Entós los criáos del padre de families allugáronse á elli, y dixeron-i: A Señor, ¿tu non semaste bona sementera en to campu? Pos ¿como ye que tien avena?

²⁸ Arrespuendióyos: Dalgun enemigu miúyu la semó. Arreplicaron-i los criáos ¿Quies que vayamos coyéla?

²⁹ Díxoyos: Non, porque non sia q’ arrincando l’ avena, arrinquéis al empar el trigu.

³⁰ Dexái medrar á entrambos fasta la siega, q’ al tiempu de la siega yo diré á lo’ siegadores: Apañái primero l’ avena, feila gaviellos pal fuebu, y dempués metéi ’l trigu nel mió orru.

³¹ Endilgóyos utra comparanza diciendo: El reinu de los cielos aseméyase á un granu de mostaza, q’ apañucó un home y semólu en so campu.

³² Isti granu ye á la parecencia ’l mas piquirisquin de tóes le’ sementeres: mas desque medra, vien á ser mayor que tóes les hortalices, y faise árbol, per manera que los páxaros del cielu abáxense, y pósense ne’ sos rames.

³³ Y ensertó ista utra comparanza. El reinu de los cielos aseméyase al formientu, q’ agarra una muyer y lu entromete ’n tres satos ó zalamines de fariña, fasta que tóa la pastia queda ’formentáa.

³⁴ Tóes istes coses enfiló Xesús al pueblu, y non yos falaba sinon per comparances:

³⁵ Compliéndose lo que dixera ’l profeta: Abriré mió boca pa falar per comparances, publicaré coses misterioses q’ estuvieron celáes de magar hai mundu.

³⁶ Entós Xesús, desque despidió la xente, coló pa casa: y acorripiándolu sos descípulos, dixeron-i: Esplícamos la comparanza de l’ avena semáa nel campu.

³⁷ Elli arrespuendióyos: El que sema la bona sementera ye ’l Fiu del home.

³⁸ El campu ye ’l mundu. La bona sementera son los fios del reinu. L’ avena los fios del espritu malu.

³⁹ ’L enemigu que la Semó ye ’l diablu. La siega ye ’l fin del mundu. Lo’ siegadores son los ánxeles.

⁴⁰ Y ansina como se cueye l’ avena, y s’ ambura nel fuebu, ansina ’socederá al cabu del mundu:

⁴¹ Unviará ’l Fiu del home á sos ánxeles, y estremarán de so reinu á tóos los escandalosos, y á cuantos faen la maldá:

⁴² Y empovinaránlos nel fornu del fuebu. Allí será ’l llantu y ’l rucar los dientes.

⁴³ Al mesmu tiempu lo’ xustos rellumarán como ’l sol nel reinu de so Pá. El que tien oíos pa ’tolenar, atolene.

⁴⁴ Tamien s’ asemeya ’l reinu de los cielos á un tesoru escondíu nel campu, que si lu afalla un home, escuéndelu de nuevo, y gozosu del afallamientu cuerre, y viende tóo cuanto tien, y compra aquel campu.

⁴⁵ El reinu de los cielos aseméyase ansinamesmo á un negociante, que trata en margarites fines.

⁴⁶ Y atopando una de munchu preciu, cuerre, y viende tóo cuanto tien, y cómprala.

⁴⁷ Tamien s’ asemeya ’l reinu de los cielos á una rede barreera, q’ echáa na mar arrabaña piescáu de tóes clases:

⁴⁸ Y sacándola, desq’ está llena, los piescadores, y currucáos en ’a vera, van estremando los bonos y métenlos en sos cestos, y tiren los de mala calidá.

⁴⁹ Ansina ’socederá al fin del siglu: saldrán los ánxeles, y estremarán los malos d’ ente lo’ xustos,

⁵⁰ Y empovinaránlos nel fornu de fuebu: allí será ’l llantu, y ’l rucar los dientes.

⁵¹ ¿Entendiesteis bien tóes istes coses? Sí, Señor, i arrespundieron.

⁵² Y elli añadió: Per iso tóu dotor bíen enteráu nes coses del reinu de los cielos, aseméyase á un padre de families, que va sacando de so repuestu coses nueves y vieyes segun cuaya.

⁵³ Desque Xesús acabó istes eomparances, coló d’ inde.

⁵⁴ Y diendo á so patria, pónxose á ensiñar neʼsinagogues de lo’ sos vecinos, per manera que los dexaba empapielláos, y dicín: ¿Ónde i vieno á isti tanta sapiencia, y tantes maravíes?

⁵⁵ Quiciáis ¿non ye ’l fiu del artesanu ó carpinteru? ¿So ma non ye la que llamen María? ¿Non só lo’ sos primos hermanos Xacobu, Xosé, Simon y Xúes?

⁵⁶ ¿Y le’ sos primes hermanos non viven tóes metanes de nosotros? Pos ¿ónde i vernán á isti tóes aquises coses?

⁵⁷ Y escandalizábense d’ elli. Mas díxoyos Xesús: Non hai profeta sin honor, mas q’ en so tierra, y en so propia casa.

⁵⁸ Y ansina fexo aquí pocos milagros per morde de que non crin.