Salmow 23 - An Sowter 1997 2023

SALM 23. Dominus regit me.

¹ An Arloedh yw ow bugel : ny vydh esow warnav.

² Ev a wra dhymm growedha yn peurvaow gwyrdh : ev a'm hembronk ryb an dowrow kosel.

³ Ev a wra dhe'm enev dasvewa : ev a'm hembronk yn hynsyow ewnder a-barth y Hanow ev.

⁴ Ha kyn kerdhav dre nans skeus ankow, ny borthav own a dhrog : rag yth esos genev; dha welenn ha'th lorgh a'm hebaskha.

⁵ Ty a bareus moes a-dheragov yn golok ow eskerens : ty re untyas ow fenn gans oyl; ow hanaf yw gorlenwys.

⁶ Sur, dader ha tregeredh a'm hol oll dydhyow ow bewnans : ha my a drig yn chi an Arloedh bynitha.