Salmow 150 - An Sowter 1997 2023SALM 150. Laudate Dominum. 1 Gormelewgh Duw yn y sentri : gormelewgh ev yn fyrmament y nerth. 2 Gormelewgh ev drefenn y wriansow nerthek : gormelewgh ev herwydh y vraster meur. 3 Gormelewgh ev gans son an trompa : gormelewgh ev war an sowtri ha'n delynn. 4 Gormelewgh ev gans an tabour ha'n dons : gormelewgh ev gans kerdyn ha'n bib. 5 Gormelewgh ev war an symbalys kesson : gormelewgh ev war an symbalys ughel aga son. 6 Oll myns a'n jeves anall : gormelens i an Arloedh. |
© Kesva an Taves Kernewek 1997, 2019
© Cornish Language Board 1997, 2019
British & Foreign Bible Society