Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Onger Akaba 23 - Godɨn Eghaghanim: Akar Gavgavir Dɨkɨrɨzir Ghurim ko Igiam


Ikiavɨra Itir God, a na geghuvir gumazim
Devit ighiar kam osiri.

1 Ikiavɨra Itir God, a gumazir deragha uan sipsipbagh eghuva dar garimɨn mɨn iti. Kamaghɨra, a deragha na geghuva nan gari. Kamaghɨn kɨ bizitamɨn otevezir puvatɨ.

2 A na inigha ghua grazir aghuiba itir danganimɨn na atɨzɨ, kɨ dagh isɨn irav iti. A na inigha dɨpar aghuiba itir danganibar zuima, kɨ dar boroghɨn avughsa iti.

3 A gavgavir igiam na ganɨdi. A fomɨra uan ziar ekiam bangɨn mɨkemezɨ moghɨn, a na inigha tuavir aghuibara zui.

4 O God, nɨ na ko iti. Kamaghɨn, kɨ danganir zarimɨn mangɨva ovevemɨn tuavir mɨtarmemɨn mangɨ, egh bizir kurabar atiatingan kogham. Nɨ uan asadivir aghorir sipsipbagh eghuvimɨn suirazɨ, kɨ an gara fo, nɨ na geghuv deragh nan ganam. Kamaghɨn, nan navim bar nan dera.

5 Nɨ na bagha daghem gamigha azenara na dafazɨ, nan apaniba bar nan gari. Nɨ nan diazɨ kɨ iza nɨ ko aperazɨ, nɨ borem isa nan dapanim ginge. Ezɨ nan itarim bar izɨvagha fasfagha iri.

6 Bar guizbangɨra, nɨn arazir aghuim ko apangkuvir arazim, dughiabar zurara na ko ikiam. Eghtɨ kɨ Ikiavɨra Itir Godɨn Dɨpenimɨn ikɨ mamaghɨra ikiam.

The Bible in Aruamu: Old Testament and New Testament: © 2020 Pioneer Bible Translators

This work is licensed under the Creative Commons Attribution Share-alike 4.0 license. https://creativecommons.org/licenses/by-sa/4.0/

New Testament is a revision of: The New Testament in Aruamu: © 2004 Bible Society of Papua New Guinea and Pioneer Bible Translators

Pioneer Bible Translators
ကြှနျုပျတို့နောကျလိုကျပါ:



ကြော်ငြာတွေ