Onger Akaba 130 - Godɨn Eghaghanim: Akar Gavgavir Dɨkɨrɨzir Ghurim ko Igiam

Gumazim uabɨn akurvaghasa God ko mɨgei

Godɨn Dɨpenimɨn ghuavanaga an ziam fer ighiam.

¹ O, Ikiavɨra Itir God, nan navir averiam bar osemezɨ kɨ nɨn dei, nɨ nan akuragh.

² O Ekiam, nɨ na barakigh. Kɨ nɨ mɨgeir mɨgɨrɨgɨaba ko nan arareba nɨ da baregh nan akuragh.

³ O, Ikiavɨra Itir God, nɨ en arazir kuraba mengegh dar suiragh ikɨtɨ, Ekiam, en tinara nɨn damazimɨn tugh gavgavigham?

⁴ Nɨrara arazir kuraba gɨn amadi, kamaghɨn amizɨ, e nɨrarama atiating nɨn apengan ikiam.

⁵ Kɨ uabɨn akurvaghasa ifongegha, Ikiavɨra Itir God, a mɨzua iti. Egha nɨghnɨzir gavgavim an akamɨn iti.

⁶ Kɨ uan navir averiamɨn aven, Ekiamɨn akurvazim bagha a mɨzua ti. Ezɨ nan arazir kam a gumazir dɨmagarimɨn bizibar gara itima amɨnim men itirazir arazim, a bar a gafira.

⁷ E Israelia, Ikiavɨra Itir God zurara bar en apangkufi, egha e ikuvighan koghasa an en akurvasi. Kamaghɨn amizɨ, ia nɨghnɨzir gavgavim an ikɨ.

⁸ A uan gumazamiziba Israelia men akuragha ua me ini, egh men arazir kuraba gɨn amangam.