Onger Akaba 127 - Godɨn Eghaghanim: Akar Gavgavir Dɨkɨrɨzir Ghurim ko Igiam

God arazir aghuimɨn me gamizɨ me an ziam fe

Godɨn Dɨpenimɨn ghuavanaga an ziam fer ighiam.

¹ Ikiavɨra Itir God uabɨ dɨpenimɨn ingar. Puvatɨghtɨma, dɨpenir kamɨn ingarir gumaziba pura an ingarigham. Ikiavɨra Itir God uabɨ nguibamɨn gan. Puvatɨghtɨma, nguibar kamɨn garir gumaziba pura ingarigham.

² E dagheba ko dagɨaba bagha bar mɨzarazibara dɨkava ingara zui amɨniba pɨri. E pura ingangarir kabagh ami. Ikiavɨra Itir God uabɨ gumazamizir a ifongeziba biziba me ganɨdima, me pura ikia avughsi.

³ Boriba, kar bizir aghuir Ikiavɨra Itir God anɨdiba, da bar dera.

⁴ Gumazir igiamɨn boriba, mati afuziba mɨdorozir gumazir mamɨn dafarimɨn iti.

⁵ Gumazir borir avɨriba itim a bar akongegh. A uan apaniba ko kotiam damuamim dughiamɨn, me kotiar danganimɨn an akurvagham. Eghtɨ an kotiam deragh mangam.