Onger Akaba 120 - Godɨn Eghaghanim: Akar Gavgavir Dɨkɨrɨzir Ghurim ko Igiam

Gumazim uabɨn akurvaghasa God ko mɨgei

Godɨn Dɨpenimɨn ghuavanaga an ziam fer ighiam.

¹ Kɨ osɨmtɨzim itir dughiamɨn, kɨ uabɨn akurvaghasa Ikiavɨra Itir Godɨn diava araima, a nan dɨmdiam barasi.

² Kɨ ghaze, “O Ikiavɨra Itir God, gumazir ifariba na gasɨghasɨghasava ami. Nɨ men akar ifavaribar ua nan akuragh, men dafaribar ua na inigh.”

³ Ia gumazir ifariba, God mɨzazir manmaghɨra garim ia danɨngam? Egh a manmaghɨra garir arazim ian arazir kuraba ikaragham?

⁴ God ti afuzir ghumtɨzim inigh ia ginivam. A ti avir bar puvɨra isim inigh ia dapongam.

⁵ Maia! Kɨ uabɨn apangkufi! Kɨ Mesekia ko Kedarian tongɨn pazava aperazɨ moghɨn, ian tongɨn datɨrɨghɨn pazava apera.

⁶ Gumazir igharaziba ko deragh dapian aghuaziba, kɨ dughiar ruarimɨn ian tongɨn ikegha, bar amɨra.

⁷ Kɨ uabɨ dabirabir aghuim baghavɨra mɨgei, ezɨ me mɨdorozim baghavɨra mɨgei!