Onger Akaba 100 - Godɨn Eghaghanim: Akar Gavgavir Dɨkɨrɨzir Ghurim ko Igiam

God mɨnabir ighiam

¹ Ia nguazimɨn itir gumazamiziba bar, ia Ikiavɨra Itir God bagh pamtem dɨmɨva, bar akongegh an ziam fɨ.

² Ia Ikiavɨra Itir Godɨn ingangarim damu an ziam fɨ bar akongegh. Ia an boroghɨn izɨva bar akongezir ighiaba bangɨ.

³ Ia kamaghɨn fogh, Ikiavɨra Itir God a guizbangɨra God. A uabɨ en ingarizɨma e an adarazira. E an gumazamiziba, egha an sipsipbar mɨn iti.

⁴ E an Dɨpenimɨn aven mangɨ an ziam fɨva a mɨnamam. E a mɨnabagh an ziar ekiam bar a pɨrafam.

⁵ E fo, Ikiavɨra Itir God arazir aghuibaram amua, egha zurara bar en apangkuvighavɨra iti. A damuasa mɨkemegha gɨvazir biziba, a zurara dagh amua kamaghɨra iti.