Luke 7 - Wester Boswell Scripture Selections 1874

THE WIDOW'S SON. (Luke vii. 11—15.)

¹¹ Ta wel'd ajáw o divvus palla, yov jal'd adré a shorokono gav. O nav sas Nain. Dosta o' lesti shorokono mooshaw ghién lesti, ta dosta waver folki.

¹² Talla yov viás kater o stigher o bauro shorokono gav, yov diktás a moolo moosh and'd avri o stigher. Yov sas o tatcho yek o' Iesko dei. Yoï sas a peevli gairi, ta dosta folki sas posha yoï.

¹³ Kanna mi Doovel diktás yoï, yov kom'd lati. Pendás mi Doovel kater lati. “Maw rōv too.”

¹⁴ Yov viás. Chivdás Iesko vast opré o kova so yon righer'd o moolo gairo opré. Yon (ta) rigadás-les atchté lendi. Pendás mi Doovel, “Tarno moosh, (ta) sas moolo, atch opré jído.”

¹⁵ Yov, ta sas moolo, atchtás Iesko kokero opré. Talla atchtás opré, rokadás. Meero Doovel talla del'd kova tamo moosh to Iesko dei.