Luke 6 - Wester Boswell Scripture Selections 1874

LOVE YOUR ENEMIES. (Luke vi. 27—31.)

²⁷ Mandi pooker kater too, “Kom asár teero wafedo folki. Kair koshto kater dula te kairs wafedo kater toot.

²⁸ Kom too dola folki kanna yon pen wafedo laváw kater tooki. Moog asár mi Duvel kanna yon kels bonges kater tooki.

²⁹ Kanna yon del toot pré yek rig o' ti mooï, chiv o waver kater lendi. Yov te lela teero plashta, maw penaw te yov lela teero choχa tei.

³⁰ Del kater sorkon moosh ta pootchela vaniso kova tooti. Dova komeni lela teero koli pootch lesti kek komi.

³¹ Kair too kater waver moosháw, jaw too komessa lendi te kel tooti.”