Saumu 93 - Ritonõpo Omiry: A Bíblia Sagrada na língua Aparai do Brasil

Tuisamehxo Ritonõpo mana, Kapu Esemy

¹ Ritonõpo Kuesẽkõ tuisame mana. Tuisamehxo ehtoh ke tupoke mana, tymetyke ynororo tyjamitunuru ke. Sero nono tyrise eya orẽpyra sã esaka, onysyryhmasaromepyra imehnõ mana.

² Tuisame oehtoh onytyoromasaromepyra imehnõ mana, jũme mase apitorymã poe.

³ Ritonõpo, tuna konõto zueme exikety opore tyryãko, tuna konõto opore omiomitaketyme mã kehko, pohkane konõto panaikato opore aryrykane samo.

⁴ Ritonõpo tuisamehxo mana kapu ao, Jamihmehxo Exikety. Tuna konõto jamitunuru motye jamihme mana, pohkane konõto jamitunuru motye tuna konõto kuao jamihmehxo mana.

⁵ Ritonõpo, jũme õmihpyry zae mana, Atapyiny jũme oesary kurãme mana, jũme exikehpyra mana.