Vibraaniyyiin 10 - Kitaab al Vahd aj Jadid 1978

TAGDIMAT AL MASIIḤ MARRA WAAḤDA LE_L KULL

¹ Wa_l gaanuun vindu ḍull al ḥaajaat al kwaisa aj jaaiya, wa maa ṣuurat al ḥaajaat be zaata. Wa hum kaanu bigaddimu_ḍ ḍabaayiḥ deel daaiman kullu sana. Wa laakin maa mumkin abadan yavmilum kaamiliin, hum al bigarribu vashaan yavbudu.

² Wa iza da kaan mumkin, (?) maa kaanu wagafu yagaddimuuha? Wa valashaan al biyavbudu bigu nuḍaaf marra waaḥda, hum bavd da maa bikuunu vindahum ḍamiir van xaṭaaya.

³ Laakin fi_ḍ ḍabaayiḥ deel, yitzakkaru_l xaṭaaya kullu sana.

⁴ Vashaan mush mumkin ’an damm at teeraan wa_l ghanam yashiilu_l xaṭaaya.

⁵ Valashaan kida lamma_l Masiiḥ ja le_d dunya, hu gaal: “Inta maa kunta vaawiz ḍabiiḥa wa tagdima, Laakin jahhazta leiya jism.

⁶ Inta maa kunta mabsuuṭ min ḍabaayiḥ maḥruuga wa min ḍabaayiḥ al xaṭiyya.

⁷ Fi_l wakit da, ana gulta, ‘Shuuf! ana jiit zei maa maktuub vanni fi_l Kitaab vashaan avmil iraadatak, yaa Allaah.’ ”

⁸ Fi_l awwal hu gaal, “Inta maa kunta vaawiz ḍabaayiḥ wa tagdimaat, wa ḍabaayiḥ maḥrugga wa ḍabaayiḥ le_l xaṭiyya, wa inta maa kunta mabsuuṭ minnaha”. Wa huwa gaal kida mava ’annahum yagaddimuuha ḥasab al gaanuun.

⁹ Wa bavd da huwa gaal, “Shuuf! ana jiit vashaan avmil iraadatak.” Huwa yashiil al awwal vashaan yasabbit at taani.

¹⁰ Wa be_l iraada di, niḥna bigiina magaddasiin be tagdimat jism Yasuuv al Masiiḥ marra waaḥda.

¹¹ Wa kullu gassiis bigiif kullu yoom wa bixdim. Wa bigaddim marraat katiira aḍ ḍabaayiḥ deel zaata. Laakin aḍ ḍabaayiḥ deel maa bigdaru yashiilu_l xaṭaaya abadan.

¹² Laakin al gassiis da, bavd maa gaddam van al xaṭaaya ḍabiiḥa waaḥda le_l abad, hu gannab van yamiin Allaah.

¹³ Wa min al wakit da, hu bintaẓir lighaayat maa Allaah yavmil vudwaanu bambar le kirveehu.

¹⁴ Vashaan be tagdima waaḥda huwa vamalum kaamiliin le_l abad, deel al hu gaavid yagaddisum.

¹⁵ Wa_r Ruuḥ al Gudus yash‐had leena be da kamaan, bavd maa hu gaal:

¹⁶ “Ahu da_l ittifaag al ana bavmil mavaahum bavd al aiyaam deel, yaguul ar Rabb. Ana baxuṭṭ gawaaniini fi guluubum, wa baktiba fi vuguulum.”

¹⁷ “Wa ana abadan maa batzakkar xaṭaayaahum wa zunuubum bavd da.”

¹⁸ Wa lamma_l xaṭaaya kaanat maghfuura, maa bitkuun fih tagdima van al xaṭiyya bavd da.

XALLUUNA NISTAMIRR

¹⁹ Valashaan kida, yaa axwaan, vindana ta’kiid vashaan nadxul le Gudus al Agdaas be damm Yasuuv.

²⁰ Huwa fataḥ leena ṭariig ḥai wa jadiid be_s sitaara, yavni, jismu.

²¹ Wa vindana gassiis kabiir vala ahl beet Allaah.

²² Valashaan kida, xalluuna nagarrib be galib amiin wa fi kullu ta’kiid al iimaan, wa guluubna marshuusha vashaan yanaḍḍifna min ḍamiir baṭṭaal wa ajsaamna maghsuuliin be mooya naḍiifa.

²³ Wa xalluuna namsik be shahaadat ar rajaa saabitiin, vashaan huwa_l wavadna amiin.

²⁴ Wa xalluuna nafakkir bavḍana fi bavḍ vashaan naḥarrik le_l maḥabba wa_l avmaal aṭ ṭaiba,

²⁵ wa maa nasiib ijtimaavna sawa zei maa bavḍ min an naas vindahum vaada. Laakin xalluuna nashajjiv bavḍana bavḍ wa be_z ziyaada be gadur maa tashuufu_l Yoom yagarrib.

²⁶ Vashaan iza navmil al xaṭiyya be iraadatna bavd maa gibilna mavrifat al ḥagg, bavd da maa fih ḍabiiḥa van al xaṭaaya.

²⁷ Laakin nistanna be xoof shadiid le_l ḥukm, wa zavl naar bitaakul vudwaan Allaah.

²⁸ Aiyi waaḥid al aba gaanuun Muusa maat biduun raḥma vala shahaadat itneen walla talaata naas.

²⁹ Wa shinu bikuun le_z zool ad daas Ibn Allaah tiḥit rijleehu, wa iftakar al ittifaag al gaddasu ḥaaja wasxaana, wa shatam Ruuḥ an nivma? Fakkiru keef huwa yistaḥigg jiza ashadda!

³⁰ Vashaan niḥna navrifu al gaal: “Leiya al intigaam, ana badfav.” wa kamaan, “Ar Rabb biyaḥkum shavbu.”

³¹ Al wuguuv fi iideen Allaah ḥaaja xaayifa.

³² Laakin itzakkaru_l aiyaam al faatat. Fi_l wakit daak bavd maa gibiltu_n nuur, kaan vindakum ṣabr vala ḥarb ṣavb mava atvaab.

³³ Marra shatamookum giddaam an naas wa ṭaradookum, wa taani marra bigiitu shuraka deel al kaanu maṭruudiin zei da.

³⁴ Wa intu tivibtu sawa mava al maḥbuusiin, wa lamma masaku buḍaavatkum be guwwa, intu gibiltu da be faraḥ, valashaan intu nufuuskum viriftu vindakum maal aḥsan al bistamirr.

³⁵ Wa valashaan kida, maa tarmu vankum ta’kiidkum al vindu ujra kabiira.

³⁶ Intu taḥtaaju le_ṣ ṣabr, ḥatta iza vamaltu iraadat Allaah, bitagbalu_l wavd.

³⁷ “Vashaan bavd shwaiya, huwa aj jaai biji, wa maa bit’axxar.

³⁸ Laakin al insaan al baarr, biviish be_l iimaan. Wa iza hu rajav le wara, nafsi maa bikuun mabsuuṭ minnu.”

³⁹ Wa laakin niḥna maa min an naas al yarjavu le wara le_l xaraab, laakin niḥna min an naas al bi’aaminu le xalaaṣ an nafs.