Ru’ya 6 - Kitaab al Vahd aj Jadid 1978

AL AXTAAM

¹ Wa shufta lamma_l Ḥamal fataḥ waaḥid min as sabva axtaam. Wa simivta waaḥid min al arbava ḥayawaanaat yaguul be ṣoot zei ṣoot ar ravd, “Tavaal!”

² Wa vaayanta, wa ahu da! ḥuṣaan abyaḍ, wa_r raakib foogu kaan vindu goos, wa addoohu taaj. Wa hu marag ghaalib wa vashaan yaghlib.

³ Wa lamma fataḥ al xitim at taani, simivta_l ḥayawaan at taani yaguul, “Tavaal!”

⁴ Wa ḥuṣaan taani aḥmar marag. Wa addu le_r raakib foogu guwwa ’an yaaxud as salaam min al arḍ, wa yavmil an naas yaktulu bavḍahum bavḍ. Wa addu leehu seef kabiir.

⁵ Wa lamma fataḥ al xitim at taalit, simivta_l ḥayawaan at taalit yaguul, “Tavaal!” Wa vaayanta, wa ahu! ḥuṣaan aswad wa_r raakib foogu kaan vindu miizaan fi iidu.

⁶ Wa simivta zei ṣoot fi wasiṭ al arbava ḥayawaanaat yaguul, “Keelat dura be ujrat yoomiyya wa talaata keelaat shaviir be ujrat yoomiyya. Wa maa taḍurr az zeet wa_l xamr.”

⁷ Wa lamma fataḥ al xitim ar raabiv, simivta ṣoot al ḥayawaan ar raabiv yaguul: “Tavaal!”

⁸ Wa vaayanta, wa ahu da! ḥuṣaan aṣfar, wa_r raakib foogu ismu_l Moot, wa_l Haawiya masha waraahu. Wa addoohum sulṭa vala rubuv al arḍ, vashaan yaktulu be_s seef wa_j juuv wa_l moot wa be wuḥuush al arḍ.

⁹ Wa lamma fataḥ al xitim al xaamis, shufta tiḥit al maḍbaḥ, nufuus an naas al kaanu maktuuliin vashaan xaaṭir kilmat Allaah, wa fishaan ash shahaada_l kaanat vindahum.

¹⁰ Wa hum kooraku be ṣoot vaali wa gaalu, “Yaa Saiyid, al gudduus wa_l ḥagiigi, lighaayat miteen maa taḥkum wa maa tantagim le dammna min as saakniin vala_l arḍ?”

¹¹ Wa addu le kullu waaḥid minnahum toob abyaḍ. Wa gaalu leehum ’an yistariiḥu mudda galiila, lighaayat maa yatimm vadad al xaddaamiin shurakaahum wa axwaanum al bikuunu maktuuliin zeiyahum.

¹² Wa shufta lamma fataḥ al xitim as saadis. Wa kaanat fih zalzala kabiira. Ash shamish bigat sooda zei shawaal aswad, wa_l gamar kullu biga zei ad damm.

¹³ Wa nujuum as sama wagavu le_l arḍ zei maa shajarat at tiin tarmi at tiin al maa najiiḍ lamma_l habuub ash shadiida tahizza.

¹⁴ Wa_s sama faatat zei maa yaliffu waraga ṭawiila, wa kullu jabal wa kullu jaziira itnagalu min maḥalla.

¹⁵ Wa muluuk al arḍ wa_l kubaar wa ru’asaa aj juyuush wa_l ghaniyyiin wa_sh shudaad wa kullu vabd wa kullu ḥurr indassu fi_l maghaawir wa been ḥujaar aj jibaal.

¹⁶ Wa hum yaguulu le_j jibaal wa_l ḥujaar, “Agavu valeena, wa dissuuna min washsh al gaavid vala_l kursi, wa min ghaḍab al Ḥamal.

¹⁷ Valashaan ja yoom ghaḍabum al vaẓiim. Wa minu huwa_l yagdar yagiif?”