Ru’ya 4 - Kitaab al Vahd aj Jadid 1978

AL KURSI FI_S SAMA

¹ Wa bavd da vaayanta. Wa shuuf! kaan fih baab maftuuḥ fi_s sama. Wa_ṣ ṣoot al awwal, as simivtu yakallimni zei ṣoot buug, gaal: “Aṭlav hina, wa ana bawarriik ḥaajaat laazim taḥṣal bavd da.”

² Wa ṭawwaali kunta fi_r Ruuḥ. Wa ahu da! kaan fih kursi maxṭuuṭ fi_s sama, wa waaḥid gaavid vala_l kursi.

³ Wa manẓar huwa al gaavid kaan zei ḥajar ghaali ismu_l yashab al axḍar wa ḥajar Saardis al aḥmar. Wa ḥawl al kursi kaan fih goos saḥaab yashbah ḥajar az zumurrud al axḍar.

⁴ Wa kaanu fih ḥawl al kursi arbava wa vishriin kursi. Wa shufta vala_l karaasi arbava wa vishriin sheex laabsiin hiduum abyaḍ, wa vala ruuseenum tiijaan min dahab.

⁵ Wa min al kursi maragu buruug wa aṣwaat wa ruvuud. Wa giddaam al kursi sabva lambaat naar mawallava. Wa hum as sabva arwaaḥ Allaah.

⁶ Wa giddaam al kursi kamaan zei baḥar min gizaaz, yashbah bannuur. Wa fi wasiṭ al kursi wa ḥawl al kursi, arbava wa vishriin ḥayawaanaat mughaṭṭiin be vuyuun min giddaam wa min wara.

⁷ Wa_l ḥayawaan al awwal kaan zei al asad, wa_l ḥayawaan at taani zei al vijl, wa_l ḥayawaan at taalit vindu washsh zei washsh al insaan, wa_l ḥayawaan ar raabiv zei an nasr al biṭiir.

⁸ Wa kullu waaḥid min al arbava ḥayawaanaat kaan vindu sitta jinḥeen, malyaan vuyuun min ḥawlu wa min juwwaahu. Wa hum maa biwaggifu leel wa nahaar yaguulu: “Gudduus, gudduus, gudduus, ar Rabb al Ilaah al gaadir vala kullu shi, wa huwa kaan mawjuud wa huwa mawjuud wa maashi yaji.”

⁹ Wa_l ḥayawaanaat yaddu majd wa iḥtiraam wa shukr le_l gaavid vala_l kursi, wa leehu_l ḥai le_l abad.

¹⁰ Wa lamma biyavmilu kida, al arbava wa vishriin sheex yagavu giddaam al gaavid vala_l kursi. Wa hum yavbudu_l yaviish le_l abad. Wa yarmu tiijaanum giddaam al kursi wa yaguulu:

¹¹ “Inta mustaḥigg, yaa Rabb Ilaahna ’an tagbal al majd wa_l iḥtiraam wa_l gudra. Valashaan inta xalagta kullu_l ḥaajaat, wa be iraadatak kaanu mawjuudiin wa maxluugiin.”