Ru’ya 20 - Kitaab al Vahd aj Jadid 1978

AL ALF SANA

¹ Wa shufta malaak naazil min as sama, wa mavaahu muftaaḥ al ḥufra al ghariiga jiddan, wa fi iidu janziir kabiir.

² Wa huwa gabaḍ vala_t tinniin, ad dabiib al gadiim, al huwa Ibliis wa_sh Sheeṭaan, wa rabaṭu le alf sana.

³ Wa hu ramaahu fi_l ḥufra al ghariiga jiddan, wa gafal valeehu wa xaṭṭ xitim vala_l ḥufra. Wa hu vamal da vashaan hu maa bighishsh al umam bavd da ḥatta al alf sana taxlaṣ. Wa bavd da, laazim yafikkuuhu le wakit galiil.

⁴ Wa bavdeen shufta karaasi wa deel al gaavidiin foogum, wa addaahum as sulṭa vashaan yaḥkumu. Wa shufta kamaan nufuus an naas ar ruuseenum kaanu magṭuuviin fishaan shahaadat Yasuuv wa fishaan kilmat Allaah. Wa hum maa vabadu_l waḥash walla ṣanamu, wa maa gibilu valaamtu vala jabahaatum walla vala iideenum. Wa hum vaashu taani marra wa malaku mava_l Masiiḥ alf sana.

⁵ Wa baagi al meyyitiin maa vaashu taani marra lighaayat maa_l alf sana taxlaṣ. Di hiya_l giyaama al uula.

⁶ Mubaarak wa magaddas al vindu juz fi_l giyaama_l uula. Wa_l moot at taani maa vindu sulṭa valeehum, laakin hum bikuunu gusus le Allaah wa le_l Masiiḥ, wa bimliku mavaahu alf sana.

DEENUUNAT ASH SHEEṬAAN

⁷ Wa lamma_l alf sana taxlaṣ, bifikku_sh Sheeṭaan min sijinu.

⁸ Wa hu bimrug vashaan yaghishsh al umam fi agsaam al arḍ al arbava, yavni Juuj wa Maajuuj, wa valashaan yalimmum le_l ḥarb. Wa vadadum mitil raml al baḥar.

⁹ Wa hum mashu foog vurḍ al arḍ, wa laffu ḥawl muvaskar al giddiisiin, wa_l madiina_l maḥbuuba. Wa laakin naar nazalat min as sama wa akalatum.

¹⁰ Wa Ibliis, al kaan bighishshum, itrama fi birkat an naar wa_l kibriit le_l makaan al fiihu kamaan al waḥash wa_n nabi al kaḍḍaab. Wa maashiin yavazzibuuhum nahaar wa leel le_l abad.

¹¹ Wa bavdeen shufta kursi kabiir wa abyaḍ, wa shufta_l gaavid foogu. Wa_s sama wa_l arḍ harabat min washshu, wa maa ligu maḥall.

¹² Wa shufta_l meyyitiin, al kubaar wa_ṣ ṣughaar, waagifiin giddaam al kursi. Wa fataḥu_l kutub. Wa fataḥu kitaab taani, wa huwa kitaab al ḥayaat. Wa hu daan al meyyitiin be ḥasab al maktuub fi_l kutub, ḥasab avmaalum.

¹³ Wa_l baḥar sallam al meyyitiin al kaanu fiihu, wa_l moot wa_l Haawiya sallamu_l meyyitiin al kaanu fiihum. Wa hu daan kullu waaḥid ḥasab avmaalu.

¹⁴ Wa_l moot wa_l Haawiya itramu fi birkat an naar. Wa birkat an naar, hiya_l moot at taani.

¹⁵ Wa iza ligu isim aiyi waaḥid maa maktuub fi kitaab al ḥayaat, hu itrama fi birkat an naar.